FONGTIL convoca encontro executivo ho Exmo. Ministro da Agricultura e Pescas,

Iha data 19 de Março de 2021, FONGTIL, REDE HASATIL, PERMATIL, CGT no Assosiasaun   HAK,   equipa   refere   lidera   husi   Diretor   Executivo   FONGTIL Daniel      Santos      do      Carmo,      hodi      convoca      encontro      executivo      ho Exmo. Ministro da Agricultura e Pescas, Eng. Pedro dos Reis, ho objectivo hodi rona movimento     servico     Ministerio     Agricultura     e     Pescas     durante     periodo Estado Emergencia ba dala sanulu resin ida (XI) iha ambito Cerca Sanitaria e Confinamento     Obrigatorio     ba     Municipios     Baucau,     Dili     no     Viqueque. Iha runiaun refere Organizasaun Sociadade Civil kestiona assunto balun hanesan;

  1. Oinsa  Papel      MinisterioAgricultura e Pescas ba parte produsaun agricola iha ambito Cerca Sanitaria no Confinamento Obrigatorio;
  2. Oinsa  execusaun  OGE  2021 iha Ministerio Agricultura e Pescas, hodi fasilita plano programa servicos nebe planeiada relasiona ho retira 7% husi OGE nebe cabe ba cada Ministerio.

Husi perguntas rua (2) nebe  menciona, Exmo. Ministro da Agricultura e Pescas responde katak, los duni situasaun Cerca Sanitaria no Confinamento Obrigatorio impede servicos balun maibe laos servicos hotu husi MAP. Em principio MAP continua halao servico normal iha terreno hodi asegura plano no metas nebe Ministerio planeia, para bele eleva produsaun agricola iha tinan ida nee.

Ministro mos informa katak, dadaun neè iha invazaun husi pesti caracol ba harè hirak nebe Agricultores Sira kuda, e relasiona ho cazu refere MAP fasilita Kuku/Tutua Adat

hodi halo ceremonia rituais para duni pesti caracol, Razaun MAP propoin ceremonia rituais  refere  baseia  ba  historia  passado  hanesan  iha  tinan  balun  antes  2006, wainhira pesti gafenhotu invade Agricultores Sira nia harè, Governo halo varias esforcu hanesan sosa aimoruk hodi rega para duni pesti refere, maibe infelizmente pesti refere la sai, maibe wainhira Governo involve  Kuku/Tutua Adat iha processo refere hanesan Foti no Hasaen BUAH ho MALUS pesti semo lakon.

sobu beè dalan nebe estraga Agricultores Sira nia natar, e entaun MAP organiza equipamantos pessada hodi responde situasaun refere imediatamente hodi nune bele asegura Agricultores nia natar.

Iha parte seluk fatin balun nebe uluk la-activa halo natar hanesan Maliana 2 no Ceisal-Baucau, nebe quaze tinan barak Agricultores la kuda harè, maibe depois de MAP halo aproximasaun ba Agricultores iha area refere consege convense Sira e agora fatin rua (2) nebe ohin Hau temi re-activa fali ho hectare boot.

Kona ba irigasaun estragadus nebe impacto husi udan boòt, atualmente Hau orienta MAP hodi implementa Jumbo Cement/Bex para bele asegura canalizasaun beè ba Agricultores nia natar, desizaun refere Hau desidi ho razaun, situasaun atual considera hanesan extraordinario e ejijensia urgente, nebe MAP tenki boòk àn moris

hodi responde situasaun ida neè, se lae Agricultores nia natar bele gagal panen,

porque se hanoin implementa processo aprovisionamento iha situasaun ida nee, conserteza sei lori tempo nebe naruk no afeta ba Agricultores ninia produsaun Agricola. Agencia Desemvolvimento Nacional (ADN) persiza tempo hodi halo verificasaun no processo adminitrativo nebe lori tempo naruk, se Ita continua ho situasaun hanesan nee, Ita la resolve e asegura Agricultores nia problema no interese, processo iha ADN bele lori tempo to fulan lima-nein (5-6), maibe desizaun nebe Hau foti atualmente hodi responde situasaun urgente iha tempo badak nia laran, conserteza ba longo prazo em termos de desemvolvimento iha seitor Agricultura conserteza MAP tenki implementa processo aprovisionamento normal hodi hadia no halo manutensaun ba irigasaun nebe estragadus husi udan boòt.

Relasiona ho execusaun OGE 2021 ba MAP lao ho normal, konaba desizaun husi Runiaun Conselho dos Ministros nebe foti 7% husi cada Ministerio ba fin pagamento programa Cesta Basica, conserteza nee implika ba programa Ministerio nian tamba, programa nebe MAP planeia entre-ligado, nee duni desizaun refere hamosu implikasaun, maibe Conselho dos Ministros foti desizaun refere baseia ba situasaun atual nebe apertada hodi resulta impedemento ba processo normal aprovisionamento, e entaun significa katak cada Ministerio sei la executa ninia orsamento 100% hanesan tempo normal, ho materia ida nee Conselho dos Ministros produs desizaun refere.

Diretor PERMATIL-Eugenio Lemos iha ninia intervensaun informa katak, PERMATIL atualmente foca atensaun maximo ba CONSERVASAUN BEÈ no EDUCASAUN BA RECOPORASAUN ECOLOGICA, no PERMATIL consege estabelese DEBU ho quantidade atus rua (200) para conserva beè ba intereses; comsume diaria, agricultura, aquacultura no horticultura hodi responde necesidade iha tempo bainloron, Eugenio Lemos mos esclarese katak, antes kuda ai horis Ita persiza halo recoperasaun ecologia dahuluk, hodi nune ai horis nebe kuda ninia destino bele garante, e Diretor PERMATIL refere recomenda ba MAP hamutuk ho OSC halo campanye ba deversificasaun aihan hodi nune Povu bele iha hanoin katak, Labele Considera Fos Aihan Principal ba EMA Timor, Eugenio Lemos mos husu ba MAP hodi aplika TARA BANDU ba Comunidade uza Karau Timor ba ceremonia

rituais/cultura ba lia metan-mutin durante tinan lima (5) para conserva habitante

Karau Timor ho razaun, Karau Timor considera hanesan elemento importante ba seitor agricultura local no recoperasaun ecologia, e Diretor PERMATIL convida mos Exmo. Ministro MAP hodi halo site visit ba debu hirak nebe construir iha parte Dare-Dili, e  intervensaun husi  Diretor PERMATIL refere hetan apresiasaun husi Ministro da Agricultura e Pescas.

Diretor  Assosiasaun  HAK-Xisto  Ximenes  iha  ninia  intervensaun  husu  katak, Mini     DAM     nebe     MAP     planeia     atu     construir     iha     Municipio     nebe? E oinsa MAP bele  recopera  mota Ceical nebe afeta ba natar Comunidade  nian? iha seasaun ida nee Ministro MAP responde katak, Mini DAM nebe planeia sei construir iha rai abandonado (Rai nebe nain laiha) nebe localiza iha area Koto-Laran Postu Administrativo Atabae, ho distansia kuaze hectare atus ida walu nulu (180ha). E konaba kestaun Ceical, Tinan barak Agricultores sira la halo Natar iha Ceical, porque Comunidades construir Uma iha natar fatin, e iha desputa rai entre Comunidades iha area refere ho distancia hectares haàt nulu resin (+40), e Hau rasik halo intervensaun to iha terreno, lori escavator ba keè beè dalan para beè bele sulin ba natar atus tolu resin (+300) nebe la tama iha desputasaun rai hectares haàt nulu (40). Intervensaun nee ho objectivo hodi garante direito Agricultores seluk, para kuda no hasae  sira  nia  produsaun  Agricola,  no  intervesaun  refere  succeso  ou  resolvido, kona ba mota Ceical hetan normalizasaun fila fali husi MAP e lao normal.

E antes termina encontru executivo refere, Ministerio da Agricultura e Pescas recomenda ba FONGTIL no REDE HASATIL e liu liu ba PERMATIL hodi elabora programa balun kona ba seitor agricultura no conservasaun beè no recoperasaun ecologia   hodi   nunè   bele   incaixa   iha   programa   MAP   nian   ba   tinan   2021, e Ministro MAP refere mos fortifica katak, Ministerio Agricultura e Pescas dadaun nee lidera husi Gerasaun Foun no nakloke àn ba Gerasaun foun hotu hodi desemvolve MAP ba iha futuru nebe  diak.

Ikus liu Ministro da Agricultura e Pescas hatoò Ninia Apresiasaun no Agradecimento ba FONGTIL no OSC hotu nebe lori hanoin Sociadade Civil nian mai investe iha MAP.

Leave a Reply

Your email address will not be published. Required fields are marked *