FONGTIL lamenta ho servisu Sekretariu Estadu Juventude no Desportu ba Membru Arte Marsiais ne’ebé Kontinua hakat Ilegál iha Fronteira

Dili 15 Jullu 2021, Sekretariadu Forum Organizasaun Timor-Leste (FONGTIL) hanesan forum organizasaun Sociedade Civil ne’ebé iha devér morál servisu hamutuk ho governu atu fó asisténsia ba povu Timor Leste iha kualkér aspetu.

 Liu husi biban ida ne’e, FONGTIL hakarak hato’o ami nia lamentasaun ba servisu Secretario dé Estado da Juventude é Desporto (SEJD) kona-ba sosiedade servisu koopera ho Ministeiro Saude atu prevene Covid Variante Delta ne’ebé bele invade Timor Leste liu husi passagem ilegais sira.

Hare ba akontesimentu ne’ebé fó sai iha Media Nasional iha loron 13 de Julho katak, Tentara  Nasional Indonesia (TNI) halo kapturasaun ba sidadaun Timorense hamutuk ema na’in sanulu resin haat (14) tama ilegalmente ba nasaun Indonesia ho objetivu atu ba sa’e sintu (atividade arte marciais nian).

Hare asuntu ida ne’e, FONGTIL nota katak SEJD la halo nia servisu ou knaar ne’ebé di’ak hodi bele kontrola arte marciais sira iha rai laran atu kontribui ba prevensaun surtu foun Covid Delta Variante ne’ebé oras ne’e dadaun sirkula makas mós iha nasaun viziñu Indonesia.

Durante fulan hirak ikus ne’e, Governo halo ona esforsu tomak atu oinsa ema hotu hamutuk hodi luta kontra surtu Covid-19 no Covid Delta Variante, maibé iha grupu balun nafatin hala’o atividade iha nasaun vijinho Indonesia ho passagem ilegais.

FONGTIL kestiona SEJD nia papél intermus atu organiza, kolabora ho arte marsiais no Ministerio da Justice hodi bele organiza no rejistu artemarsiais sira hotu iha Timor Leste atu halo atividades sira hanesan sa’e sintu ou sel-seluk tan bele halo de’it iha rai laran no la persija sai ba estranjeiru atu nune’e bele fó risku ou lori fila moras husi nasaun seluk tama mai Timor Leste.

Rekomendasaun husi FONGTIL:

FONGTIL husu ba Sr. Secretario de Estadu da Juventude e Desportu atu tau atensaun ba akordu ne’ebé SEJD rasik halo ona ho lideransa organizasaun PSHT Indonesia nian katak sei la simu tan membrus PSHT husi Timor Leste ne’ebé ba sa’e sintu ilegál iha Indonesia. Tuir FONGTIL nia hare katak akordu refere la efetivu ou akordu namlele tanba ema sira ne’ebé deporta fila husi Indonesia ne’e hetan kapturasaun husi seguransa Indonesia la’ós lideransa PSHT maka haruka sira fila/rejeita sira.

Leave a Reply

Your email address will not be published. Required fields are marked *