Povu Sahrawi nia luta ba auto- determinasaun Count With Us Timor-Leste

Dili 14 Outubru 2021, Embaixadór Sahrawi Republic (SADR) Sr. Boibat Malainin(Abba) Halo vizita mai FONGTIL hodi fahe informasaun atuál kona-ba Povu Sahrawi nia luta ba auto- determinasaun. Iha reuniaun ne’e embaixadór husu FONGTIL nia apoiu, oinsá ativu kampaña no fahe informasaun ho membrus iha nasionál no rede internasionál sira hodi forma opiniaun públiku no suporta ba Povu Sahrawi nia luta. Embaixadór mós apresia sosiedade sivíl, ne’ebé apoiu makas ba povu Sahrawi nia luta. Iha reuniaun ne’e FONGTIL sujere no konvida Sr. embaixadór atu prezensa iha reuniaun anuál FONGTIL ho nia membrus sira iha fulan hirak tuir mai, nune’e embaixadór bele fahe direita ho membrus sira kona-ba situasaun atuál ne’ebé povu Sahrawi infrenta. FONGTIL mós sujere Embasador atu iha reuniaun semestrál ho FONGTIL nu’udar meius ida ba atualiza progresu no dezafiu sira kona-ba povu Sahrawi nia luta.  Embasador mós sujere ba FONGTIL atu kria espasu ida iha website FONGTIL nian ne’ebé fokus ba kampaña apoiu povu Sahrawi nia vontade populár ba auto- determinasaun. FONGTIL mós aprezenta katak luta povu Sahrawi nian “count with us” Timor-Leste nia konstituisaun artigu 10 alínea ida hatete mo-mos katak Repúblika Demokrátika Timór-Leste mós solidáriu ho povu hotu-hotu ne’ebé luta ba libertasaun nasionál. No mós Alinea rua hatete katak Repúblika Demokrátika Timór-Leste fó azilu polítiku, tuir lei haruka, ba ema rais seluk sira ne’ebé persigidu tanba sira-nia luta ba libertasaun nasionál no sosiál, defeza ba direitus umanus, demokrasia no dame. povu no Estado Timor-Leste iha obrigasaun atu apoiu luta povu Sahrawi nian, Timor-Leste iha esperiénsia moruk durante tinan 24 nia laran husi okupasaun Militár Indonesia.

Leave a Reply

Your email address will not be published. Required fields are marked *