FONGTIL ho KD-RENAS Marka Audénsia ho Diretór Ezekutivu SASCAS, Koordenadór GVPM, Asesór Sosiedade Sivíl Vice-Primeiru Ministru

Ohin loron 01 fulan Marsu tinan 2024, Sekretariadu Forum ONG Timor-Leste FONGTIL hamutuk ho Rede Nasionál Auditoria Sosiál (KD-RENAS) marka audénsia ho Diretór Ezekutivu SASCAS, Koordenadór GVPM, Asesór Sosiedade Sivíl Vice-Primeiru Ministru, kona-ba Aprezentasaun Rezultadu Programa Auditoria Sosiál.

Audénsia ne’e hala’o iha Palacio do Governo Díli, ho objetivu mak KD-RENAS ho FONGTIL aprezenta programa auditoria sosiál ne’ebé implementa durante ne’e no parte seluk KD-RENAS ho FONGTIL bele hetan intervensaun husi Koordenadór Assuntus Sosiedade Civil GVPM e Diretór SASCAS, Asesór Sosiedade Sivíl Vice-Primeiru Ministru Eng. Joaquim da Costa Freitas kona-ba oinsá programa auditoria sosiál ninia kontinuasaun ba oin, Koordenadór Assuntus Sosiedade Civil GVPM e Diretór SASCAS, Asesór Sosiedade Sivíl Vice-Primeiru Ministru Eng. Joaquim da Costa Freitas mos esplika klaru kona-ba programa Boa Governsaun ne’e rasik.

Iha audénsia ne’e, KD-RENAS aprejenta prosesu hahú programa auditoria sosiál to’o agora, esplika KD-RENAS nia papél liga ho programa auditoria sosiál, aprezenta rejultadu husi implementasaun programa auditoria sosiál durante ne’e, entrega livru auditoria sosiál modulu primeiru no segundu ba Koordenador Assuntus Sosiedade Civil GVPM e Diretór SASCAS.

Atividade enkontru ne’e lao ho diak no susesu to’o remata tamba hetan partisipasaun masimu husi: Koordenador Assuntus Sosiedade Civil GVPM e Diretór SASCAS ho nia struktura sira hotu, Koordenadora KD-RENAS ho nia membru sira, Diretor Ezekutivu FONGTIL ho nia staff.