Diretór Ezekutivu FONGTIL partisipa iha Formasaun ba Prizoneiru sira ho tema “Aman Di’ak ba Família” ne’ebé organiza husi HDS

Iha loron 19 fulan Marsu tinan 2024, Diretór Ezekutivu Forum ONG Timor-Leste (FONGTIL) partisipa iha Formasaun ba Prizoneiru sira ho tema “Aman Di’ak ba Família” ne’ebé organiza husi Haktanek Direitu Sidadaun (HDS).

Formasaun ne’e hala’o iha Prizaun Bekora ho Objetivu atu ofisialmente HDS sei implementa programa “Aman Di’ak Ba Família” ba prizoneiru mane sira ne’ebé oras ne’e kumpri hela sira-nia pena iha prizaun Becora.

Iha Formasaun ne’e Diretór Ezekutivu FONGTIL Sr. Valentim da Costa Pinto hateten “Agradese ba TAF ne’ebé kontinua servisu hamutuk ho membru HDS hodi kontribui ba mudansa sira, tanba HDS bele fó asisténsia ba Prizoneiru sira, Ezisténsia haree liu ba direitu umanus no justisa, Direitu goza direitu sidadaun maske iha limitasaun ba direitu sidadaun kabe ba hotu-hotu, hahú moris foun ho transformasaun liuhusi formasaun ne’e estabelese, ne’e la’ós atu Eduka maibé maneira akompañamentu ba transforma prizoneiru sira, maibé laiha defensór públika atu fó asisténsia legál ba prizoneiru sira durante iha prizaun maske seidauk iha sentensa ba pena ne’ebé klaru, prizaun fatin rekopera passado sira, FONGTIL nafatin fó asisténsia ba sosiedade sira atu labele prátika nune’e bele fila ba sosiedade labele iha stigma sira no aktu diskriminativu seluk ba ema ne’ebé mai ho passado la perfeitu”.

Formasaun ne’e hetan Partisipasaun husi Diretór Prizaun Bekora ho Guarda Prizoneiru Sira, FONGTIL, HDS, TAF no Prizoneiru sira.