FONGTIL: TANBASÁ TR LIBERTA NO APLIKA MULTA BA AJENTE PNTL NA’IN TOLU BA KAZU KRIME SUKESTRU HASORU JOSÉ BERNARDO?

FONGTIL: TANBASÁ TR LIBERTA NO APLIKA MULTA BA AJENTE PNTL NA’IN TOLU BA KAZU KRIME SUKESTRU HASORU JOSÉ BERNARDO?

Iha Segunda-feira loron 19 Janeiru 2026, Diretór Ezekutivu FONGTIL Sr. Inocençio de Jesus Xavier hetan entrevista husi Jornalista sira iha AJAR, Faról Díli hodi husu FONGTIL nia Prespetiva konaba Tribunál aplika multa ba pesoál PNTL na’in tolu ba krime sukestru hasoru José Bernardo nia mate iha sela Komandu PNTL Díli iha tinan 2022.

Liga ho Asuntu ne’e Diretór Ezekutivu FONGTIL Sr. Inocençio de Jesus Xavier hatete: “Klaru ké Responsavél ba matebian José Bernardo nia mate ne’e responsabilidade deskonfia Ajente na’in tolu ni’an, maibé responsabilidade instituisonál ne’e PNTL atu responsavél ba danus hodi fó sansaun legal ka reparasaun ba vitima ne’ebé mate iha sela PNTL Caicoli. Tanbasá mak Tribunál hatete sira nain tolu livre maibé ikus Tribunál tenki husu sira fó kustu indiminizasaun ne’e atu fó ba familia vitima ka fó ba Tribunál no Kustu ne’e Kustu Judisiáriu ka hanusa?”.

Alem de ida ne’e Diretór Ezekutivu FONGTIL Sr. Inocençio de Jesus Xavier hatete: ‘‘ normalmente se Kustu Judisiáriu ne’e individu mak halo, maibé tanba asaun ne’e rezulta konsekuensia mate, entaun responsabilidade instituisionál liu-liu Comando Munisípiu Díli nian no Comando Jerál PNTL tanba sira ezerse sira nia servisu iha tempu servisu, la’ós iha festa sira ba hanesan ema sivíl depois mós la’ós mate iha Ajente PNTL na’in tolu nia uma maibé ne’e mate iha Sela PNTL , tanba ida ne’e mak ita tenki haree lójika sira ne’ebé mak iha ne’e atu iha klareja ba kestaun ida ne’e, tanba sé sira liberta ona husi iha Tribunál tansá sira tenki simu fali multa?’’.