TREINAMENTU DEZENVOLVE PLANU ESTRATÉJIKU HO MÉTODU “THEORY OF CHANGE(TOC) BA MEMBRU ONG IHA REJIAUN RAI KLARAN KOMPOSTU HUSI MUNISÍPIU AILEU, AINARU, COVALIMA NO MANUFAHI.

Same, iha Segunda-feira 28 Setembru 2026, Secretariado FONGTIL realiza atividade “TREINAMENTU DEZENVOLVE PLANU ESTRATÉJIKU HO MÉTODU “THEORY OF CHANGE(TOC) BA MEMBRU ONG IHA REJIAUN RAI KLARAN KOMPOSTU HUSI MUNISÍPIU AILEU, AINARU, COVALIMA NO MANUFAHI.

Atividade Treinamentu Ida ne’e hala’o durante loron ha’at (4) hahú husi loron 28 Setembru 2026 to’o 01 Outubru 2026.

Salaun Formasaun Sandalo Cefobom Munisipiu Manufahi ho objetivu Atu hasae kapasidade membru FONGTIL nian iha Koñesementu Teoria TOC, Identifika Problema no Formula analiza TOC, Enkuadramentu/Framework TOC no Model Logica, implementa planeamentu programa ToC ho sistematiku, partisipativu no orientadu ba rezultadu (results-based) Atu identifika problema, nesesidade, grupu alvu no kontestu intervensaun programa nian. Atu dezenvolve relasaun lójika entre input, output, rezultadu, no impaktu sira iha kuadru ToC nia laran. Atu integra aprosimasaun ToC iha planeamentu estratéjiku, Planu Aanual, Planu Orsamentu ONG no proposta programa sira.

Iha abertura Diretór ezekutivu Sr. Inoçencio de Jesus Xavier hatete: Treinamentu nee importante ba organizasaun ida-idak hodi prepara no Hadia nia an liu husi aprende uza TOC ba proposal, tamba donor barak agora iha formatu hakerek proposal foun, hakerek proposal uza PCM tenki tau mos TOC.

Treinamentu nee util dunik ba organizaaun ka lae, membtu sira uza dunik Materia PCM, TOC ba hakerek proposta ka lae, halo planu stratejiku sira ka lae, orgnizasaun tenki adapta ho mudansa sira ohin loron.

Formasaun sira hanesan nee importante ba ezekutivu sira mai tuir hodi utiliza materia ba organizasaun nia nesesidade.

Labele mai tuir formasaun sira nee haruka fali staff bai-bain mak mai tuir, tamba nee formasaun importante ba benefisiu no ejistensia organizasaun nian.

FONGTIL labele dezain proposal membru nian, membru mak tenki esforsu halo proposal rasik, TOC nee ajuda ita halo proposal ho diak, ajuda ita bele konvense donor hodi apoiu fundus ba ita nia organizasaun.

Espera loron 4 nee imi tenki aproveita treinamentu ho diak, oras ida fasilitador fó materia remata tenki pratika kedas husi ONG kada munisipiu ida-idak.

TOC nee lori ita ba hetan rezultadu, fó impaktu positivu ba ita nia organizasaun, treinamentu nee importante hodi meloramentu liutan ita nia servisu ba futuru ligadu ho politika dezentralizasaun (poder local) ita ajuda halo advokasia, monitorizasaun ba servisu governo local nian, tau matak ba projektu sira.

Formasaun nee labele monu leet deit, tenki aproveita ho diak hodi utiliza ho diak ba imi nia organizasaun rasik.

FONGTIL labele dezain planu treinamentu ida la tuir membru nia hakarak, nia intrese, tenki halo planu treinamentu ida tuir nesesidade, dezafius nebe membru sira hasoru. FONGTIL organiza treinamentu sira hanesan nee bazeia rekomendasaun husi membru sira, atu nunee konvida fasilitador mai faselita treinamentu sira hodi bele ajuda membru ONG sira iha hakerek proposta tuir donor/osan nain sira nia hakarak, intrese, doador nia politika. Tinan kotuk ita fo treinamentu PCM ba membru ONG sira iha rejiaun leste, oeste no rai-klaran, tinan nee ita kontinua fo treinamentu ba membru sira iha rejiaun 3 nee haree liu ba TOC”.

Alén de ida ne’e mós Prezidenti Autoridade Munisípiu Manufahi Sr. Luis Marcal da Costa Tavares hatete: obrigado barak ba FONGTIL bele hili munisipiu Manufahi hodi realiza atividade ida nee, PAM Manufahi mos fó bem vindo ba ONG sira mai husi munisipiu seluk hanesan: Covalima, Aileu no Ainaro. Atividade “Trenamentu Dezenvolve Planu Estratéjiku ho Métodu” Theory of Change (TOC) nee importante tebes ba Membru FONGTIL iha Rejiaun Rai Klaran Kompostu husi Munisípiu Aileu, Ainaro, Covalima ho Manufahi.

PAM Manufahi salienta liutan hodi hateten nu’udar Autoridade Munisípiu hato’o Agradese barak tebes ba Servisu Ejistensia Organizasaun Nao Governamental sira nian iha ne’e, ita bo’ot sira hanesan Parseiru estratejiku ba Dezenvolvimentu Nasional no ita sira ne’e hola parte ba Estadu ita hotu nia knar ne’e maske la hanesan maibe ita nia Objetivu ne’e ida deit maka hakarak Nasaun ne’e sai Diak no avansa ba oin hodi hatudu ba nasaun seluk katak ita mos bele, Tanba ne’e ita bo’ot sira nia Papel Importante tebes hodi sai hanesan Fiskalizador tanba dalabalun Governu kuandu lao sala maka Lian ne’e sai husi ita bo’ot sira hodi hasee, hodi kritika, hanesan mos Lider sira kuandu lao sala sempre hetan hasee ka lian kontrolu ne’e husi organizasaun sosiedade sivil sira, Hanesan Timor oan ka Hanesan Manufahi nia Oan ita hotu iha Papel Importante ba Dezenvolve rai ida ne’e.”

Nunee mos atu remata hanesan Prezidenti Autoridade Munisipiu Manufahi hatete: Ita hakna’ar iha Parte ida-idak nian tau ita nia-an iha ida-idak nia Fatin, Karik maka ita hakna’ar hanesan Fiskalizador maka Mantein ita nia Pozisaun hanesan Fiskalizador, karik maka ita hakarak Sai Ema Politika Firmi hanesan Ema Politika, Tanba durante ita akopamña iha media ita nia Joven sira tau sira nia-an ne’e hanesan Sosiadede Sivil hodi kritika ida ne’e, kritika ida ne’eba hanesan Fiskalizador maibe ikus Sira uja hela Atributu Partidu nian, involve An iha partidu politika, Hanesan ne’e maka ita atu sai Fiskalizador no halo monitoring ne’e susar Tanba ita Kolia buat Seluk maibe ita nia Asaun hatudu oin-seluk, Tanba ne’e Karik maka ita hakarak Politika Fokus ba Politika los deit ita labele falun Oportunidade sira nee hodi estraga OSS nia papel no servisu diak sira.

Husu ba OSS sira koalia no halo kritika ba governo tenki ho dadus, husu tebes OSS nia ajuda hodi haree ami nia servisu lao tuir lei ka lae, se halo sala fó hanoin hodi Melora liutan prestasaun servisu ho diak”.

Atividade ne’e hetan partisipasaun husi Prezidenti Autoridade Munisipiu Manufahi ho Nia Ekipa no Membru ONG sira husi Munisipiu Rejiaun Rai Klaran.

Atividade ne’e hetan apoiu fundus husi Gabinete de Apoio à Sociedade Gabinete de Apoio à Sociedade Civil – GASC IX Governo.