SEKRETARIADU FONGTIL HAMUTUK HO NATIONAL ORGANIZING COMMITTEE TIMOR-LESTE (NOC) PARTISIPA IHA EVENTU ASIAN PEOPLE’S FORUM CONFERENCE 2026 (APFC 2026) HO TEMA “RESIST BUSINESS-AS-USUAL

Manila, Iha loron 28 Outubru 2026, Sekretariadu Fongtil Hamutuk Ho National Organizing Committee Timor-Leste (Noc) Partisipa Iha Eventu Asian People’s Forum Conference 2026 (Apfc 2026) Ho Tema “Resist Business-As-Usual: Disrupt, Reclaim, Rebuild” iha Manila, Filipina, tanba tinan 2026 ida ne’e, Nasaun Filipina mak sai hanesan Estadu Membru ne’ebe kaer fali pasta hanesan Prezidênsial ASEAN.

ASEAN Peoples Forum (ACSC/APF) mak enkontru boot liu no inkluzivu liu ba organizasaun sosiedade sivíl sira, grupu baze komunidade, no movimentu povu sira iha Sudeste Aziátiku. ACSC/APF kompostu husi organizasaun sosiedade sivíl no movimentu sosial husi nasaun ASEAN 11: Malázia, Tailándia, Indonézia, Singapura, Brunei, Kamboja, Vietnam, Filipinas, Laos PDR, Myanmar no Timor-Leste.

ACSC/APF nia objetivu mak fornese espasu estratéjiku no seguru ida atu hasa’e lian povu nian, halo advokasia no promove mudansa transformativu, no hametin solidariedade entre povu ho povu ne’ebé inklui perspetiva interseksionál no kooperasaun entre movimentu sira. Eventu ida ne’e hala’o durante loron tolu (3) hahú iha loron 27-29 Outubru 2026.

Eventu ne’e realiza iha Manila, Filipina ho Objetivu atu kria plataforma estratéjika ida atu hametin reziliénsia kolektiva entre povu no movimentu sira iha Sudeste Aziátiku, atu realiza ASEAN ida ne’ebé verdadeiramente demokrátiku no sentradu ba interese povu nian.

Iha atividade ne’e Ekipa Sekretariadu no NOC Timor-Leste halo abertura ba eventu Konferénsia Forum Povu Asia 2026 ho dansa kultura, hafoin tama ba diskusaun temátiku mak hanesan: Open Governmet Partnership, youth and security, Displacement & Statelessness in Southeast Asia,Unmasking oligarchy & Elite Controling Southeast Asia no Digital Spaces, Civic Voices