Identifika Nesesidade Legal ba Proteje Papel Sosiedade Sivil iha Timor Leste Agora no ba Futuru

Dili 07 Fevereiru 2020, FONGTIL realiza atividade diskusaun hodi Identifika Nesesidade Legal ba Proteje Papel Sosiedade Sivil iha Timor Leste Agora no ba Futuru. Iha salaun TOWER, Fatuhada. Objetivu husi Diskusaun ida ne’e atu Organizasaun Sociedade Civil bele identifika nesesidade legal ba proteje papel sociedade civil iha Timor-Leste agora no ba futuru no lideranca sociedade civil sira mos bele identifika legislasaun saida mak Timor-Leste sei persiza tan ho nune bele fo protesaun diak liu tan direitus humanus povu Timor-Leste nian no garante liberdade sociedade civil nian nudar parseru kritiku ho Orgaun Soberania sira.
Atividade ne’e rasik hetan partisipasaun masimu husi Sr. Fidelis Manuel Leite Magalhães, Ministro da Reforma Legislativa e Assuntos Parlamentares Fidelis Magalhães (MRLAP), Sr. DR. Filipe da Costa, Cordenádor GASC-GPM, INGOs, N/L NGOs husi Munispiu 13 inklui Dili no RAEOA , Organizasaun ema ho defisiensia, Rede Sektoral, Ativista, Movimentu Estudante Timor-Leste no Media Nasional.
Total partisipantes hamutuk 146 pesoas kompostu husi Mane 97 pesoas no Feto 49 pesoas husi Organizasaun/instituisaun 113. Atividade ne’e hetan apoiu husi Governo liu husi Gabinete de Apoio à Sosiedade Civil-Gabinete Primeiro Ministro (GASC-GPM)