FONGTIL REALIZA ENKONTRU JERÁL ANUÁL MEMBRU FONGTIL 2025.

Iha Kinta-feira loron 20 Novembru 2025 Sekretariadu Forum ONG Timor-Leste FONGTIL organiza ENKONTRU JERÁL ANUÁL BA MEMBRU FONGTIL 2025 “Ho Prinsipiu Ativizmu, Ita Asegura Boa Governasaun Ba Dezenvolvimentu Nasional Ne’ebé Inkluzivu, Reziliente no Sustentavél”.

Enkontru ne’e realiza iha Salaun Paroquial São José Catedral Díli ho objetivu sira hanesan tuir mai ne’e: Aprezenta rejimentu lala’ok Enkontru Jerál Anuál no organiza ba aprovasaun; Aprezentasaun membru kandidatu organizasaun no halo aprovasaun atu sai nu’udar membru permanente, se iha; Fó sai petisaun ka rekursu hasoru desizaun kona-ba atu hasai organizasaun ida nu’udar membru permanente ka nu’udar membru kandidatu, se iha; Membru permanente ka kandidatu ida, iha kualkér tempu rezigna-an nu’udar membru FONGTIL nian liu husi karta notifikasaun ba Konsellu Fiskal; noAprezentasaun no aprovasaun ba relatóriu atividade anuál no finansas 2025.

Alemde ne’e iha mós objetivu espesífiku hanesan tuirmai ne’e: Atu membru ONG sira iha koñesementu konaba prosedimentu no regras sira ne’ebé liga ba Lei Nú 5/2005 de 3 Agusto; Atu hametin kompremisiu Membru FONGTIL nu’udar parseiru hodi promove Boa Governasaun; no Atu hametin advokasia membru ONG hodi kontribui ba hadia prestasaun servisu públiku.

Atividade ne’e hetan partisipasaun husi: Gabinete Apoiu Sosiedade Sivíl (GASC), Konsellu Fiskál FONGTIL, Membru ONG FONGTIL, ONG Kandidadtu ba Membru FONGTIL, Pontu Fokál FONGTIL no Jornalista sira husi Instituisaun Media.

Enkontru ne’e hetan apoiu fundus husi Gabinete de Apoio à Sociedade Civil – GASC IX Governo