FONGTIL: GOVERNO TENKI FÓ RESPOSTA KONABA RÓ NE’EBÉ UTILIZA BANDEIRA TIMOR-LESTE HODI TULA MINA IHA ÁREA TASI VENEZUELA NIAN.

FONGTIL: GOVERNO TENKI FÓ RESPOSTA KONABA RÓ NE’EBÉ UTILIZA BANDEIRA TIMOR-LESTE HODI TULA MINA IHA ÁREA TASI VENEZUELA NIAN.

Iha Segunda-feira Loron 12 Janeiru 2026, Diretór Ezekutivu FONGTIL Sr. Inocençio de Jesus Xavier hetan entrevista husi Jornalista husi Independente iha AJAR farol Díli konaba relasiona ho notisia sira iha media internasionál sira konaba Ró ne’ebé utiliza Bandeira Timor-Leste hodi tula mina iha área tasi Venezuela nian.

Diretór Ezekutivu FONGTIL Sr. Inocençio de Jesus Xavier hatete: “Klaru katak aktu ida ne’ebé públika sai husi média internasionál sira konaba Estadus Unidus Amerika halo Atake ba Venezuela detekta mos Ró ida ne’ebé tula tanke mina iha Area tasi Venezuela nian utiliza Bandeira Timor-Leste nian. Agora ita lahatene durante ne’e negosiasaun entre ministériu sira ne’ebé fó lisensa, entaun ita presija esplikasaun husi Ministéri Negosiu Estranjeiru no Kooperasaun, Ministériu Komérsiu Industria nomós ita-nia embaxadór no mós ita-nia forsa armada sira atu bele fó informasaun konaba asuntu ida ne’e. iha parte seluk mós ita husu ba PCIC atu halo kooperasaun hodi loke prosesu investigasaun konaba Asuntu ida ne’e hodi ho Estadus Unidus Amerika nia reprezentante iha Timor-Leste nomós hodi liu-liu Ró ne’e, tanba durante ne’e ita laiha Ró no derepenti Ró ida mosu iha Venezuela utiliza bandeira Timor-Leste ne’e ita presija hatene, klaru katak ró tula mina ne’e signifika negosiu maibé negosiu ne’e reprezenta Instituisaun ka kompañia ida ne’ebé, enatun ita presija governu no Camara Comercio Industria mak tenki fó sai informasaun ruma konaba asuntu ida ne’e karik durante ne’e iha emprezariu internasionál ruma aluga hela ró ruma utiliza hela ita-nia bandeira hodi hodi oferese mina mai timor-leste entaun presija husu esplikasaun ba sira atu nune’e publiku labele pániku tanba posibilidade entre Venezula ho Estadus Unidus America nia situasaun polítika, ekonomia no siguransa sira nia tensaun sa’e loos. Entaun hanesan nasaun ida presija oinsa mak atu buka hatene no asegura ita-nia identidade territoriál nomós ita labele monu ba lasu negativa sira iha konflitu entre Venezuela ho Estadus Unidus America.

Além de ida ne’e Diretór Ezekutivu FONGTIL Sr. Inocençio de Jesus Xavier hatutan katak: “ To’o agora ha’u seidauk hatene nia impaktu iha ka la’e no Ró ne’e ita-nian duni ka la’e? ka ema ruma mak uza ita-nia bandeira atu legaliza nia atividade ekonomia tanba ita seidauk hatene, tanba ne’e governo mak tenki fó resposta ka pronunsia resposta ruma konaba notisia ida ne’e”.