Diretór Ezekutivu FONGTIL sai oradór ba Seminariu nasionál topiku papél Sosiedade Sivíl iha Dezenvolvimentu Nasionál, iha salaun UNITAL

Iha loron 28 fulan Abril tinan 2024 Diretór Ezekutivu Sekrekretariadu Forum ONG Timor-Leste (FONGTIL) Partisipa iha Seminár nasionál ne’ebé organiza husi Institutu IFPV São João Batista  hanesan oradór ko’alia kona-ba topiku papél Sosiedade Sivíl iha Dezenvolvimentu Nasionál, iha salaun Universidade Orientál Timor Loro Sa’e (UNITAL) Bekora, Díli.

Iha seminariu ne’e Diretór Ezekutivu hateten “ kna’ar FONGTIL nian mak hanesan primeiru Deziminasaun Informasaun, Koordenasaun, Empoderamentu Membru no Advokasia, Timor-Leste komesa adere ona ba Organizasaun Mundiál Komérsiu, ne’ebé ke sei iha oportunidade servisu  sira barak mai ita-nia rai maibé ita lakohi oportunidade sira ne’e sei mai domina tiha ita-nia movimentu no Timoroan sai subordinadu ida ne’e labele eziste iha ita-nia Rai, timoroan tenki ka’er ninia kuda talin tenki sai Autor ba ninia dezenvolvimentu, entaun formasaun sira hanesan ne’e sai hanesan bukae ida atu eziste hanesan na’in ba ita-nia dezenvolvimentu, sosiedade Sivíl rekuñuese katak iha notas barak ba Adezaun ida ne’e katak seida’uk nato’on atu timor adere ba OMK tanba ita-nia situasaun sira sei fraku, ita haree iha ita-nia nivél produsaun kuaze liu metade ita dependensia ba importasaun sira ne’ebé mai ita-nia rai, todan boot sei mai kuandu ita la preparadu no timoroan sei la sai nain ba dezenvolvimentu, tanba ne’e mak ami preokupa no ami husu nafatin atu ita hamutuk husu ba governu hodi invente maka’as iha setór produtivu sira hanesan : Agrikultura, Edukasaun, Ifraestrutura Bázika no Saúde atu nune’e ita preparadu no metin wainhira ita adeze ita bele kompete mós ”.

Seminariu ne’e ensera ho entrega sertifikadu ba estudante husi Institutu IFPV São João Batista.

Seminariu ne’e Partisipa husi : Sekretariadu FONGTIL, Uma Lafatik no estudante sira husi Institutu IFPV São João Batista.