Enkontru Kolaborasaun Servisu entre Rede Sociedade Civil hodi apoiu Guvernu ba Prevene Virus CORONA iha Timor-Leste liu husi Implementasaun Estado Emergency (EE).

Enkontru ne’e marka Prezensa husi Organizasaun Sosiedade Sivil mak hanesan Rede Feto, CGT, Luta Hamutuk, TLCE, Lao Hamutuk no FONGTIL, Iha  Enkontru Diskuti liu Kona-ba Kolaborasaun Servisu entre Rede Sociedade Civil hodi apoiu Guvernu ba prevene Virus CORONA iha Timor-Leste liu husi implementasaun Estado Emergency (EE).

1. Durante reuniaun rede feto partilha informasaun konaba atividade apoiu emergency balun hanesan: balde no maskra ba uma kain 1000 nebe kobre municipio 10 Parseiru Embaixada Nova Zealand mak apoiu.

2. Diskuti mos kona-ba kapasidade Organizasaun Sosiedade Civil  atu halo intervensaun iha parte halo distribuisaun materials sira ba komunidade liga ho Emergency tamba OSC iha rekursu ema maibe ita laiha rekursu materials no osan, ho nune ita bele prontu atu apoiu guvernu karik guvernu iha difikuldade pesoal.

3. Halo  mos analiza ba Situasaun Sosial Ekonomia iha area rural komunidade fulan oin bele menus aihan relasiona ho implementasaun EE tamba limite movimentu komunidade.

4. Diskusaun konaba oinsa OSC bele halo monitor no koordenasaun ho PDHJ  atu halo monitor liga ho vialasaun Diretus Umanu  iha implementasaun EE.

5. Koalia mos kona-ba oinsa atu buka apoiu ruma nune OSC bele responde ba komunidade balun nebe laiha aihan no laiha faselidade atu prevene covid-19 hanesan Maskra, Sabaun, Balde no seluk tan.

Husi reuniaun ne forma equipa Task Force ida kompostu husi: Rede Feto, CGT, TLCE no FONGTIL hodi responde ba Situasaun aktual, husi equipa ne’e  fahe kedas servisu balun mak hanesan:

• Rede Feto loby ho UN women no IWDA kona-ba oinsa atu hetan apoiu ruma.
• TLCE halo karta ba Primeiru Ministru hodi husu oinsa equipa Task Force bele hetan kartaun outorizasaun hodi faselita equipa nia movimentu.
• CGT kontaktu membrus Oxfam atu hetan ideia konaba posibilidade kaloborasaun servisu
• FONGTIL prepara pedido ki’ik hodi mobiliza apoiu ba task force no sei koalia ho Sr. Filipe Costa kona-ba oinsa atu halo ligasaun ho Primeiru Ministru  relasiona ho karta autorizasaun ba equipa.
• Lao Hamutuk halo knar buka informasaun husi guvernu no Parlamento liga ho prevensaun covid 19 no implementasaun EE
• Luta Hamutuk sei halo servisu monitoring ba implementasaun EE iha terenu relasiona ho PNTL nia atuasaun hodi garante labele mosu violasaun DU

6. Atu koordenasaun lao efetivu equipa uza grupo What Sapp  Advokasia FONGTIL  hodi halo koodenasaun servisu no fahe informasaun.

Karik sumario ne’e sei falta assunto balun Ekipa Enotru bele kompleta.

 

Sumariza husi

Ezekutivu FONGTIL

Daniel Santos.