FONGTIL: AUTORIDADE ESTADU HANESAN CAC TENKI BUKA TUIR KOMPAÑIA NE’EBÉ MAK IMPLEMENTA EZEKUSAUN BA KONSTRUSAUN IGREIJA AI-MUTIN

FONGTIL: AUTORIDADE ESTADU HANESAN CAC TENKI BUKA TUIR KOMPAÑIA NE’EBÉ MAK IMPLEMENTA EZEKUSAUN BA KONSTRUSAUN IGREIJA AI-MUTIN

Iha Kuarta-feira loron 14 Janeiru 2026, Diretór Ezekutivu FONGTIL Sr. Inocençio de Jesus Xavier hetan entrevista husi Jornalista iha Hotél Timor Díli konaba Konstrusaun Igreija Ai-mutin ne’ebé to’o agora para hela.

Liga ho Asuntu ne’e Diretór Ezekutivu FONGTIL Sr. Inocençio de Jesus Xavier hatete: “ Konaba assuntu ne’e kompañia mak inkomprimentu ba ezekusaun ka implementa projeitu ne’e, tanba husi diretór sesante SASCAS (agora daun-daun GASC) atribui tiha ona kontratu ida ho kompañia ida ne’ebé mak nain ba implementadór ne’e, no kompañia la konsege termina obra ne’e tuir kontratu. Entaun Ami hanoin Governu tenki iha hanoin atu rezolve situasaun sira hanesan ne’e tanba ida ne’e kompañia tenki responsabiliza. Tanba ne’e se kompañia la konsege ezekuta mak autoridade estadu hanesan CAC tenki buka tuir atu husu GASC hanesan testamuña ba obra ne’e ba kompañia implementadór ne’ebé viola hela ninia servisu obra ne’ebé la hotu”.

Alem de ida ne’e Diretór Ezekutivu FONGTIL Sr. Inocençio de Jesus Xavier hatete: “ sé ita haree husi enkuadramentu legál ne’e labele ona atu ezekuta projeitu ne’e, maibé tanba desizaun polítiku no kestaun uma kreda nian, ha’u hanoin Dioseje Díli bele ko’alia ho Governu tanba ida ne’e imajen Dioseje Díli nian, maske igreija seidauk utiliza maibé konstrusaun Igreija ne’e atu monu ona. Entaun saida mak governu bele halo mak selebra kontratu audisionál ruma ho desizaun polítika maibé mós iha nia risku boot bainhira lori ba CAC no ba Tribunál no ida seluk mak Dioseje Díli bele kontribui Orsamentu ho persentajen balu hodi hodi finaliza obra refere maibé la’ós kompañia Anteriór”.

Ikusliu, Diretór Ezekutivu FONGTIL Sr. Inocençio de Jesus Xavier hatete: “ fallansu ida ne’e la’ós tanba Orsamentu la to’o, maibé kompañia mak lahatene halo kalkulasaun ba Billing Of Quantities (BOQ) ba obra ne’e”.