FONGTIL: GOVERNO IHA ONA SERIEDADE HODI INVESTE IHA SETÓR AGRIKULTURA.

FONGTIL: GOVERNO IHA ONA SERIEDADE HODI INVESTE IHA SETÓR AGRIKULTURA.

Iha Segunda-feira loron 12 Janeiru 2026, Diretór Ezekutivu FONGTIL Sr. Inocençio de Jesus Xavier hetan entrevista husi Jornalista husi Independente iha AJAR farol Díli konaba konstrusaun Irigasaun Postu Administrativu Laivai Munisipiu Lautem.

Liga ho Asuntu ne’e Diretór Ezekutivu FONGTIL Sr. Inocençio de Jesus Xavier hatete: “ha’u partisipa iha inagurasaun ne’e hamutuk ho Sua Exelénsia Primeiru Ministru no Ministru Lubuk ida iha ne’ebá inklui Deputadu sira, xefe suku sira no komunidade sira  em primeiru hakarak fó parabens ba Ministériu Agrikultura no Pescas ne’ebé bele kria sistema Di’ak loos, maibé hau preokupa mak  husi Sistema ida boot hanesan nune’e suku ida pertense ba ne’e ema uma kain haat-nulu (40) de’it mak prátika halo natar, signifika be’e barak maki ta sei la utiliza. Entaun saida mak presija halo mak mobilija suku vizinhu sira tantu balu iha Baucau nian atu bela mai halo natar iha Laivai, tanba sé la’e Igigasaun ne’ebé boot no Gastu Orsamentu ne’ebé boot maibé ita utiliza ne’e oituan de’it ne’e ita lakon. Ha’u observa direita no hanoin katak Irigasaun ida ne’e jeralmete Sistema ne’e di’ak, maske iha kestaun ki’ik balu ne’ebé ha’u hare’e ladun di’ak iha obra balu hahú nakfera maibé emjeralmente projeitu ida ne’e hatudu kualidade no Governo iha ona seriedade hodi investe iha setór agrikultura”.

Alem de ida ne’e Diretór Ezekutivu FONGTIL Sr. Inocençio de Jesus Xavier hatete: “husu ba Camara Comercio Industria timor-leste tenkiu haree ida ne’e hanesan oportunidade hodi investe atu kapasita ita-nia sidadaun sira-nia kapasidade iha área agrikultura nian atu oinsá mak iha produsaun  tanba kualidade infrastrutura di’ak ona”.