FONGTIL HALA’O ATIVIDADE FORUM DIÁLOGU NASIONÁL

Iha loron 23 fulan Abril tinan 2024, Sekretariadu Forum ONG Timor-Leste FONGTIL hamutuk ho Gabineti Apoiu Sociedade Sivíl (GASC) hala’o Atividade Workshop ho tema “ Aproximasaun Dezenvolvimentu Husi Prepetiva Sivíl no Diskuti Issu Nasionál sira antes submete ba parlamentu nasional hodi tau prioridade ba orsamentu 2025”. Atividade ne’e sei realiza durante loron rua (2).

Atividade ne’e halao iha Salaun UCT Balide Díli, ho Objetivu atu Hasa’e Koinesementu Karakter Sociedade Civil iha Dezenvolvimentu Rural ne’ebé Partisipativu no Sustentavél; Hadi’a apoiu ba implementasaun atividades Sosiedade Sivíl nian, inklui koordenasaun no diálogu ne’ebé di’ak liu ho Governu; Promove partisipasaun ativa husi Sosiedade Sivíl iha kombate ba pobreza iha área rurál, ho forma ne’ebé sustentavél; Promove partisipasaun husi Sosiedade Sivíl iha melloria ba boa governasaun; Promove envolvimentu ativu husi Sosiedade Sivíl iha promosaun ba devér síviku sira no ba direitus umanus; Promove partisipasaun Sosiedade Sivíl ativu hodi Diskute Issu Nasonál hodi submeter Parasér ba Governo no Parlamentu Nasionál; Diskute Issu Nasionál hanesan Infraestrutura Báziku, Saúde, Edukasaun no Agrikultura.

Iha Atividade ne’e Diretór Ezekutivu Sekretariadu FONGTIL Sr. Valentim da Costa Pinto hateten “ Jere Mandatu Sira, Esplikasaun Ba Mandatu Sira, Fahe Infromasaun, Oinsá FONGTIL Ho Nia Membru Kontinua Eziste Hanesan Organizasaun Ne’ebé Forte, Kontribui Ba Servisu Advokasia Hodi Konvense Ukun Nain Sira, Halo Asaun Liu Hodi Kontribui Ba Mudansa Sosiál, Rekoñese Deskobrementu Sira Liu Husi Dalan Advokasia, Halo Auditória Ba Prestasaun Servisu Públiku, Promove Akontabilidade Liu Husi Prátika Boa Governasaun, Fahe Infromasaun Husi Grupu Whatsapps Hanesan Dalan Ida Atu Bele Hatene Informasaun Atuál Sira Iha Timor-Leste Ne’ebe Presija Halo Advokasia, Evikasaun Sai Hanesan Situasaun Ne’ebé Presija Solusiona Imediata, Konferénsia Sira Ne’ebé FONGTIL Halo Reprezenta Hotu Membru Sira Nia Lian, Kontinua Luta Ba Mudansa Iha Sosiedade No Ba Nasaun, Polítika Desentralizasaun Sei Realiza Tinan Oin Hanesan Dalan Hodi Desentraliza Servisu Públiku Ba Sosiedade, Agradese Ba GASC Ne’ebé Disponibilza Tempu Hodi Mai Fahe Polítika Governu Nian Ba FONGTIL No Nia Membru Sira Iha Atividade Ida Ne’e ”.

Alende ida ne’e Koordenadór GASC Joaquin da Costa Freitas hateten “ Enkontru Ida Ne’e Hanesan Dalan Ida Haforsa Lasu Amizade Entre GASC, FONGTIL No Membru ONG Sira, Matadalan Ba Jestaun Fundus Sosiedade Sivíl Hanesan Instrumentu Suporta Ba Dezenvolve Proposta, Finansiamentu Governu Nian Sai Hanesan Forsa Ba Fundus Apoio Sosiedade Sivíl, Husu Atu ONG Sira Halo Proposta Depende Ba Fundus Husi Governu No Presija Domina Mata Dalan Ne’ebé Iha, Kategoria Ba Subvensaun Públika Boa Governasaun Edukasaun Sívika, Reforsa Institusionál, No Atividade Sira Ne’ebé Envolve Husi Linha Insternasionais, Diretór Ne’ebé Lidera Ona Liu Tinan 10 Bele Halo Kadernizasaun Hanesan Dalan Kontribui Ba Boa Governasaun, Proposta 300 Ekipa Halo Ona Selesaun Ho Kuidadu, Fahe Konhesimentu Sira Ne’ebé Iha Ba Malu No Presija Hadia Ba Futuru no Haforsa Instituisaun ”.

Depois de ida ne’e Asesoria Gabinete Apoiu Sosiedade Sivíl Sr. Maria João Aprezenta kona-ba Enkontru rezultadu enkotru Forum Organizasaun Sosiedade Sivíl CPLP Timor-Leste no Forum Organizasaun Sosiedade Sivíl CPLP husi Angola. Iha Aprezentasaun ne’e Sr. Maria João hateten “ ita sei halo kontaktu fali ho organizasaun Forum Sosiedade Sivíl CPLP liuhusi FONGTIL, Membru Forum Sosiedade Sivíl Timor-Leste tenki partisipa no kolabora ho nasaun seluk iha ámbitu sai oradór bilingual husi lian Portugues ”.

Liután ida ne’e Reprezentante Diretór Ezekutivu hanesan mós Konsellu Fiskál FONGTIL Sr. Feliciano da Costa Araujo hateten “ implementasaun sira ne’e labele mai ho orientasaun projeitu, tanba ida ne’e mak dalabarak ema haree kuandu iha projeitu ita halo intervensaun mais kuandu projeitu laiha ita para totalmente, ida ne’e hanesan problema boot ba ita sosiedade ida ne’e, presija ita-nia intervensaun tanba organizasaun ita estabelese ne’e hanaran sosiedade sivíl ne’e mai ho nia objetivu prinsipál ”.

Enkontru ne’e hetan Partisipasaun Husi : GASC, Konsellu Fiskál FONGTIL, Sekretáriadu FONGTIL, Rede Sektorál sira no Membru ONG sira husi 13 Munisípiu no RAEOA.

Atividade ne’e hetan apoiu fundus husi : GASC.