FONGTIL hala’o enkontru ho membru ONG no autoridade sira iha Munisípiu Bobonaro

Ohin loron 21 fulan Fevereiru tinan 2024, Sekretariadu Forum ONG Timor-Leste (FONGTIL) hala’o enkontru ho membru ONG no autoridade sira iha munusipiu Bobonaro.

Enkontru ne’e hala’o iha Salaun enkontru administrador Munisipiu Bobonaro ho objetivu hodi diskute issu advokasia iha Munisípiu Bobonaro.

Iha enkntru ne’e membru konsellu fiscal FONGTIL Sr. David Soares da Cruz hateten “FONGTIL  iha papél importante liga ho mandatu servisu FONGTIL nian mak hanesan empoderamentu membru, dezaminasaun infromasaun, koorenasaun no Advokasia. Tamba ne’e FONGTIL nafatin iha komitmentu atu vizita membru hodi diskute isu sira ne’ebé presija atu halo mudansa liu husi dalan advoksia hodi relata ba Governu sentrál”.

Reprezentante diretora apoio sosiedade Sivil delega husi xefe departamentu asuntu sosiál Sr. Jonas Lopes, iha nia parte hatutan katak “enkontru ida ne’e importante tebes ba autoridade no ong lokal sira iha munisipiu bobonaro hodi diskute problema ne’ebe mak afeta ba komunidade jeral, dalan ida mos atu fahe imformasaun kona ba implementasaun projetu sira nune’e bele define didiak antes implementa hodi la bele dupla”.

Enkontru ne’e hetan partisipasaun husi:  chefe departamento assunto social, autoridade lokal, juventude, FONGTIL,no  membru ONG  F-HADER, FHM, P.OFMH.