FONGTIL hala’o enkontru ho membru sira iha Munisípiu Likisa hodi diskute issu advokasia

Kuarta-feira 20 fevereiru FONGTIL hala’o enkontru ho membru sira iha Munisípiu Liquisa hodi diskute issu advokasia.

Enkontru ne’e hala’o iha Salaun enkontru Kadoras Liquisa, ho objetivu hodi diskute issu advokasia iha Munisípiu Liquisa.

Iha introdudasaun vise koordenadór Sr.Marcos da Silva Ramos hateten “ enkontru ida ne’e momentu dia los atu membru ONG sira hamutuk halo ba Diskusaun isu pertenente sira relata ba isu ema foti desizaun sira, laos deit ida ne’e husi enkontru ne’e ita hare mos Oinsa ho sosiedade sivil nia efetividade no koordenasaun servisu ho governu maske dala barak la iha rezultadu ba isu sira ne’e maibe ita nafatin halo advoksia liu dalan seluk hanesan muda ita nia metodologia ba peskiza no rekolha dadus konkretu. Dezafiu ne’ebe mak Sosiedade sivil sira hasoru iha baze mak Efetividade servisu la dun diak tanba servisu publiku la desentraliza, tamba ne’e nafatin husu atu desentraliza poder lokal tuir nia dalan”.

Alénde ida ne’e, Koordenadór Advokasia ba Boa Governasaun Saturnino Piedade mós hateten iha nia parte katak “ Enkntru regulár entre fongtil no membru ida ne’e hanesan parte diskusaun importante ida atu deskobre Isu ne’ebe preisija atu diskute husi nivel munisipiu to suku sira no Presija toka ba iha  nasional Hodi relata ba parte foti desijaun sira Presija dadus antes foti isu sira atu sai hanesan evidensia importante los halo estratejia Hodi Muda mekanismu ba maneira diskusaun ba isu atu Elabora hanesan pareser hodi relata ba iha aprte relevante sira”.

Ho nune’e, Sr. David Soares da Cruz hanesan Membru Konsellu Fiskal hateten “ enkontru ida ne’e hanesan meios ida atu membru sira fahe Informasaun ba malu liu husi setor sira hotu isu advokasia hodi halo monitorizasaun ba servisu publiku sira no halo fiskalizasaun ba Utilizasaun  osan povo nian ba interese Komum”.

Liután ida ne’e, Partisipa mós iha enkontru ne’e Diretór Apoio sosiedade sivíl Munisípiu Liquisa Armindo Soares hateten “ diresaun Apoio ba sosiedade sivil no autoridade lokal hnaesan xavi importante ba servisu sira iha terenu hamutuk ho ONG sira,  dala barak Xefe suku mos iha problema barak iha baze hanesan isu sira ne’ebe akontese iha komunidade hanesan Projetu ne’ebe mak implemeta iha suku balu la iha kualidade diak no balu la tuir standarte no la dun benefisia ba povo sira, husi problema hirak ne’e autoridade sira halo monitorizasaun no Sosiedade sivil presija dadus ruma ami bele apoio husi monitorizasaun no diresaun Apoio Sosiedade Sivil Munisipa sai Pareseiru servisu apoio masimu ba isu sira hodi relata ba nasional”.

Enkontru ne’e hetan partisipasaun husi:  Diretór Apoiu Sosiedade Sivíl, Autoridade Lokál, FONGTIL, AFDR, F Maledoi, SABES, FF, FMF, F. Metil, F Hader no Assosiasaun Kadoras.