FONGTIL hala’o Enkontru ho Vice Ministru Saúde operasionalizasaun ospitais

Ohin loron 12 fulan Fevereiru tinan 2024, Diretór Sekretariadu Forum ONG Timor-Leste (FONGTIL) hamutuk ho Koordenadora Rede ba Saúde Timor-Leste (REBAS TL) hala’o enkontru ho Vice Ministru Saúde operasionalizasaun ospitais hodi aprezenta sosiedade sivíl nia preokupasaun kona-ba lala’ok setór saude iha Timor-Leste liga ho situasaun atuál.

Enkontru ne’e hala’o iha sala enkontru Gabineti Vise Ministru Saúde ho objetivu  hakarak atu hametin parseria servisu entre Organiasaun Sosiedade Sivil liuhusi RebasTL ho Ministériu Saude liga ba Setór Saúde iha Timor-Leste hodi kontinua halo advokasia hodi Hadia no Haforsa Sistema saúde iha Timor-Leste.

Iha Enkontru ne’e Diretór Ezekutivu FONGTIL Sr. Valentim da Costa Pinto hateten “ ami hanoin ita mellora ita-nia fasilidade, apoiu ita-nia profisionais saude sira, Doutor sira bele hetan formasaun di’ak liu atu iha oportunidade di’ak hodu halo servisu sai di’ak liu iha ita-nia rai, ita sei bele poupa ituan kona-ba ita-nia investimentu sira ne’ebé tinan-tinan halo tratamentu iha rai-liur, tratamentu sira ne’e kuandu ita la halo makai ha situasaun klaran ne’ebé bele halo ita matan kroat bam alu tanba balu la hetan oportunidade, pedidu sir abele mai tarde entaun nia labele salva ninia vida, ita lakohi buat sira ne’e akontese ne’ebé ita hakarak ajuda ministériu saude  bele hola alternativa ida di’ak liu bele ajuda ita-nia populasaun sira hodi bele hetan oportunidade di’ak atu hodi hetan servisu saude ida ne’ebé di’ak  ho Dignu no sustentavél ”.

Liután ida ne’e, Diretór EzekutivuFONGTIL mós hateten “ ami hanoin  REBAS TL bele kontinua sai parseiru di’ak ba Ministériu Saúde ami-nia koordenadór sira iha territóriu ne’ebé servisu besik liu diretór saúde sira iha munisípiu sira, ho xefe klinika sira, pesoál saude sira, servisu hamutuk ho sira oinsá mak ita bele informa lalais, para ita bele hetan atensaun sedu tanba ministériu saude nia alvu ne’e ba ema, entaun ministériu ida ne’e tenki kuidadu no presija hetan apoiu husi sosiedade hotu, ita iha rekuiñese iha ita-nia limitasaun sira, maibé tenki kontinua haree ida ne’e labele atu hanesan ministériu seluk-seluk  tanba ita-nia tratamentu ba liu ema, entaun ida ne’e ma kami hanoin katak bele iha persepsaun ida mai husi ministériu saude atu oinsá mak konsidera REBAS TL hanesan parseiru ne’ebé bele funsiona hanesan Organizasaun Sosiedade Sivíl mais hanesan mós parseiru ida ne’ebé bele kompleta em termus de bele fó informasaun, bele fó krítika, bele fó hanoin ida mai ita hotu-hotu atu oinsá mak bele ajuda ita-nia profesionais saude sira, ita-nia médiku sir abele halo tratamentu ida ne’ebé di’ak liu atu nune’e sira bele hetan atensaun sériu ida di’ak liu mai husi ita-nia ministériu saude ne’ebé trata asuntu ida ne’e, sira iha ospitál ne’ebé halao asuntu tekniku sia iha merese para hetan kondisaun di’ak liu para bele hala’o sira-nia kna’ar ho di’ak liu ”.

Liután ida ne’e Vice Ministru Saúde operasionalizasaun ospitais Sr. Dr. Flavio Brandao Mendes de Araújo, PGDA, MMed. Hateten “ Husu ba Organizasaun Sosiedade Sivíl atu Kontinua halo advokasia barak iha setór saúde ba kuidadu primáriu nian no husu atu ajuda governu halo advokasia ba kuidadu saúde sekundariu no tersiáriu.Kontrola investimentu governu nian, asegura programa governu ho osan Estado hodi bele halo mudansa.

Liután ida ne’e Vice Ministru Saúde operasionalizasaun ospitais Sr. Dr. Flavio Brandao Mendes de Araújo, PGDA, MMed. Hateten “ ba oin presija tuur hamutuk hodi ko’alia ba malu hanesan nune’e tanba husi parte Governu hakarak buat di’ak no husi parte Sosiedade Sivíl mós hakarak buat di’ak entaun, ami hein ita-boot sira-nia tempu atu ita bele nafatin tuur hamutuk hodi ko’alia ba malu ”.

Enkontru ne’e hetan Partisipasaun husi : Vice Ministru Saúde operasionalizasaun ospitais, FONGTIL, REBAS TL