FONGTIL hamutuk ho Docente Orientadora IOB hala’o seremonia Enseramentu ba Estudante Estajiária sira ne’ebé hala’o sira-nia estajiu Profesionál iha FONGTIL durante Fulan tolu (3).

Iha loron 15 fulan Abril tinan 2024, Sekretariadu Forum ONG Timor-Leste (FONGTIL) hamutuk ho Docente Orientadora Institute Of Business (IOB) hala’o seremonia Enseramentu ba Estudante Estajiária sira ne’ebé hala’o sira-nia estajiu Profesionál iha Sekretariadu FONGTIL durante Fulan tolu (3).

Iha Seremonia ne’e Jestora Administrasaun no Rekursu Umanus Sr. Aliçia Rodrigues hateten “ kontenti tebes no Agradese ba Estudante nain tolu bele hala’o sira-nia Estajiu durante Fulan tolu ho di’ak tebes, tanba bele hasa’e tan sira-nia kuiñesimentu iha vida profesionál iha prátika, nune’e sujere mós ba IOB katak wainhira atu rekomenda estudante estajiariu sira La’ós de’it iha área kontabilidade maibé bele mós ho rekomenda ho estudante sira husi Tékniku Informátika (IT) sira”.

Ho nune’e Dosenti Orientadora husi IOB Sr. Teresa Cardoso Gomes Hateten “ Agradese tanba bele simu ona ami-nia estudante sira hodi bele hala’o sira-nia estajiu profesionál iha FONGTIL ho di’ak, no IOB nia Estajiariu sei la mamuk ba FONGTIL, tanba Hamutuk ita bele hadia ita-nia nasaun ne’e ba Oin”.

Atividade ne’e hetan partisipasaun husi : Ekipa Sekretariadu FONGTIL, Docente Orientadora no Estudante husi Institute Of Business (IOB)