FONGTIL hamutuk ho Konsellu Fiskál FONGTIL Realiza ASEMBLEIA JERÁL ANUÁL MEMBRU FONGTIL TINAN 2023 ba loron Daruak

Iha loron 08 fulan Marsu tinan 2024, Sekretariadu Forum ONG Timor-Leste FONGTIL hamutuk ho Konsellu Fiskál FONGTIL kontinua hala’o Asembleia Jerál Anuál Membru FONGTIL ba loron Daruak nian.

Asembleia Jerál ne’e hala’o iha Salaun Canossa Has-Laran, Manleuana, ho Objetivu atu hodi hatán ba Artigu 14 estatutu FONGTIL nian, tuir alínea A no B haktuir; Konsellu Fiskal FONGTIL sei konvoka Enkontru Jeral tinan – tinan iha kalendáriu anuál, maibé la liu husi fulan sanulu-resin-lima (15) hafoin Enkontru Jeral anuál – dahuluk. Ajenda Enkontru Jeral tin-tinan sei inklui asuntu sira tuir mai ne’e: Membru Konsellu Fiskal aprezenta rejimentu ba lala’ok Enkontru Annual Membru FONGTIL no organiza ba aprovasaun 1) Aprezentasaun membru kandidatu ONG no halo aprovasaun atu sai nu’udar membru permanente, se iha; no Rona petisaun ka rekursu hasoru desizaun atu hasai organizasaun ida nu’udar membru permanente ka nu’udar membru kandidatu, se iha: Halo aprezentasaun, apresiasaun no aprovasaun Relatóriu atividades Periodu 2023, Halo aprezentasaun, apresiasaun no aprovasaun ba Relatoriu Financas tinan 2023; Ratifika membru kandidatu hodi sai nu’udar membru permanente FONGTIL; Rona petisaun/rekursus desizaun atu hasai membru permanente ne’ebé la Ativu nu’udar membru FONGTIL; noDiskusaun no Amenda Estatuta FONGTIL ne’ebé kaduka hela iha tinan 2022 nian.

Iha asembleia Jerál ne’e eleisaun ba konsellu reprezentante ong internasional Senhora Erminia da Silva husi  (aprova unamidade) kontinua kedas ba APREZENTASAUN ASESMENTU no RATIFIKASAUN MEMBRU FOUN: ( ho aprovasaun Unamidade) Ratifika membru ONG internasionál ha’at (4); Ratifika membru ONG nasionál Sanulu resin ha’at (14); Ratifika membru ONG lokál Sanulu (10) no Ratifika membru ONG Internasionál ba ONG nasionál, Totál membru ONG FONGTIL hamutuk atus rua ualu-nulu resin ne’en (286) kompostu husi ONG lokál, Nasionál, no Internasionál).

Alende ne’e iha mó REKOMENDASAUN husi Membru ONG sira mak hanesan:

FONGTIL presija halo notifikasaun antes atu hasai membru sira ne’ebé la aktivu ona; Mekanismu saida FONGTIL utiliza hodi hasai membru ne’ebé la ativu; Halo karta xamada bainhira iha prosesu verifikasaun detekta ONG nia fatin mamuk ka la iha atividade.

Alende ida ne’e iha mós diskusaun husi Oradór nain tolu (3) mak hanesan: Diretór Ezekutivu SASCAS no Koordenadór GVPM, Diretór Ezekutivu CEPAD no Adjuntu Boa Governasaun PDHJ, iha sesaun ida ne’e modera husi Sr. Esterlita Araujo Pereira.

Iha sesaun ida ne’e, Diretór Ezekutivu SASCAS no Koordenadór GVPM Eng Joaquim da Costa Freitas hateten “Governu husi fundus apoio sosiedade Sivil kontinua suporta Organizasaun Sosiedade Sivil sira liu husi dalan hakbit sentidu partisipativu no aktivu hodi realiza estudu sustentabilidade finansiamentu, nafatin fo hanoin katak Organizasaun Sosiedade Sivil nafatin esforsu hadia politika no estratejia ne’ebe mak klaru atu governu iha serteza foti desijaun ne’ebe los no justu ba publiku”.

Alende ida ne’e, Adjunto Boa Governasaun PDHJ Dr. Rigoberto Monteiro hateten  “Atu promove boa governasaun iha organizasaun mak tenke iha elementu forte sira hanesan estratejia ne’ebe signifikativu, no politika ne’ebe diak ba transformasaun sosial”.

Liutan ida ne’e, Diretór Ezekutivu CEPAD Sr. João Boavida hateten “Atu sai ajente transformador Soseiedade Sivil tenke iha kna’ar hakbi’it konhesimentu komunidade liu husi advokasia, mobiliza opiniaun publiku, SS mos tenke sai hanesan fonte ba fahe informasun liu estudu ne’ebe mak klean, sai hanesan mos mahein ba komunidade sira”.

Ho nune’e  husi Koordenadór Advokasia (CPI) Sr. Saturnino Piedade halo aprezentasaun learning platform: Plataforma dijital; Internet/sharepoint; no Microsoft teams.

Koordenadór Advokasia Sr. Saturnino Piedade hateten “ Funsionamentu Learning Platform ne’e hanesan instrumentu teknolójia atu fasilita servisu sekretariadu nian, hodi hatan ba membru sira nia nesesidade em termus de informasaun no dokumentus dijitalizasaun sira. Hodi benefísia membru sira liu husi dezaminasaun informasaun sira ba atividade sira ne’ebé FONGTIL halo iha sekretariadu. Iha ninia Vantajem mak hanesan Hamenus kustu no tempu, liu husi mandate kapasitasaun nian, advokasia hodi melloria efetividade servisu ba membru sira. Fahe ona ba rede setorál sira liga ho plataforma refere. Sei fasilita formasaun tékniku ba membru sira atu asesu, hodi hadia koordenasaun servisu entre FONGTIL no membru sira”.

Liután ida ne’e neé Entrega mós ID Card ba Ponto fokal FONGTIL nian iha munisipiu sanulu resin 12 no RAEOA.

Antes atu ensera Asembleia Jerál Anuál Membru FONGTIL, Prezidenti Fiskál FONGTIL hato’o ninia diskursu katak “ Agradese ba susesu, Demonstra unidade, Iha kanál unidade, Surpreza boot liu husi  apresiasaun ba relatoriu narativo no finansas, Liu husi mandatu nia servisu sira ita tenke implementa boa governasaun, Asuntus interese nasionál sira, Survey husi diagnosa advokasia, Kontribui ba libertasaun povo, Lei indultu sai nafatin dalan ba koruptu sira atu prátika hahalok ne’e, Presija halo advokasia maka’as ba polítika finanseira ba fundu orsamentu Timor-Leste nian, Konsellu buka tau matan liu husi membru nain 7, Ita-nia estatutu fó ona dalan atu ezekuta servisu serkretariadu nian hodi atende membru sira , Dezafia kapasidade instituisionál ba ONG sira liu husi dalan boa governasaun ba organizasaun ne’ebá saudavél, Refleta nafatin prinsipiu igualdade liu husi detensaun profesores kontratadu feto nain 4”.

Asembleia ne’e hetan partisipasaun husi : Diretór Ezekutivu SASCAS no Koordenadór GVPM, SASCAS, Konsellu Fiskál FONGTIL, Sekretariadu FONGTIL, Membru ONG Nasionál no Internasioná, Ponto fokal FONGTIL nian iha munisipiu sanulu resin 12 no RAEOA, no Jornalista sira iha Instituisaun Média sira.