FONGTIL hamutuk ho membru ONG no Rede Setorál sira halo Nomeasau Reprezentante FONGTIL iha Konsellu Konsultivu ba Prezidenti Autoridade Munisípiu Díli.

Iha loron 29 fulan Abril tinan 2024, Sekrekretariadu Forum ONG Timor-Leste (FONGTIL)  hamutuk ho Membru ONG no Rede Setorál sira hala’o enkontru atu halo Noemeasaun Reprezentante FONGTIL iha Konsellu Konsultivu ba Prezidenti Autoridade Munisípiu Díli.

Diretór Ezekutivu hateten “ Iha sesaun ida ne’e ita hetan konvite ba ita-nia representasaun iha instituisaun públiku sira hodi bele reprezenta ita hanesan sosiedade sivil FONGTIL no nia membru sira ita sempre liu husi meius hanesan ne’e, organiza enkontru permite membru sira bele hili nia maluk sira ida ne’ebé iha duni kapasidade no kuiñesimentu di’ak ne’ebé bele reprezenta ita hanesan sosiedade sivíl ba instituisaun sira, impreza publiku sira ka institusaun publiku no Ministériu sira ne’bé bain-bain presija ita-nia reprezentasaun ”.

Alende ida ne’e Diretór Ezekutivu FONGTIL Sr. Valentim da Costa Pinto esklarese katak “ Kna’ar Konsellu Konsultativu ne’e bain-bain ita halo atu nia bele hola papél wainhira Prezidenti Autoridade Munisípiu Díli hahú prepara ninia preoridade sira inklui orsamentu sira ne’ebé munisípiu Díli proposta ba Ministériu Estatal kona-ba ninia Orsamentu ne’ebé aloka ba Tinan ida ninian ita hanoin membru konsellu konsultativu sira ne’e presija tenki halo verifikasaun kontinua tau matan ba preoridade sira ho osan sira ne’ebé ita halo, entaun iha espasu ida ne’e mak ita-nia reprezentante bele impoin buat ruma ka bele verifika ba preoridade sira ne’ebé sira asegura liu-liu kona-ba sosiedade sivíl nia ezistésia liu-liu iha Munisípiu Díli ho problema sosiais barak ne’ebé akontese iha munisípiu Díli bazeia ba ita-nia rekomendasaun sira ne’ebé bain-bain ita halo liuhusi komunikadu imprensa ne’ebé ita hanoin katak bele hetan porsaun osan oituan para ita bele halo melloramentu ba iha ita-nia kapitál Díli”.

Liután ida ne’e iha intervensaun husi membru sira katak tenki nomea ita-nia maluk sira atu nune’e bele halo servisu iha instituisaun públiku sira maibé tenki iha konkordánsia katak labele foti desizaun mesak maibé tenki halo enkontru ho membru sira antes halo desizaun no tenki fahe fali mai membru sira kona-ba servisu iha instituisaun sira iha enkontru regular sira atu nune’e membru sira bele hatene prosesu servisu sira.

Hodi nune’e iha enkontru ne’e Membru ONG sira Nomea Sra. Veronica de Sousa ho Sr Mario  mak sai kandidatu ba Noemiasaun ne’e no liuhusi votasaun  eskolla Sra. Veronica de Sousa mak sai hanesan Reprezentante FONGTIL iha Konsellu Konsultivu ba Prezidenti Autoridade Munisípiu Díli no Ekipa Sekretariadu FONGTIL mak hanesan membru Alternativu.

Atividade ne’e Partisipa husi FONGTIL, Memnbro ONG sira no Rede Setorál.

Atividade ne’e Fundus Husi : Gabineti Apoiu Sosiedade Sivíl (GASC).