FONGTIL HAMUTUK HO REDE SETORÁL SIRA HALA’O ENKONTRU REFERE BA SITUASAUN ATUÁL

TETUN……………………………………………………………………………………………..

FONGTIL HAMUTUK HO REDE SETORÁL SIRA HALA’O ENKONTRU REFERE BA SITUASAUN ATUÁL

Ohin loron Kuarta-feira 27 fulan Agostu tian 2025, Sekretariadu Forum ONG Timor-Leste (FONGTIL) hamutuk ho rede setorál sira hala’o enkontru refere ba situasaun atuál kona-ba assuntu Desizaun Parlamento Nasionál hodi sosa kareta ba Deputadu nain ne’en-nulu resin lima (65) iha Parlamentu Nasionál, Deklarasaun Primeiro-Ministro ninian kona-ba Timor-Leste nia osan sei laiha iha tinan balu mai oin no Situasaun atuál disputa entre komunidade Indonézia ho komunidade Timor-Leste iha fronteira foin lalais ne’e.

Enkontru ne’e hala’o iha salaun FONGTIL Caicoli Díli ho Objetivu hodi tau hanoin hamutuk husi rede setoral sira hodi buka solusaun ba iha situasaun atuál sira ne’ebé presija hetan atensaun maihusi ita-nia ukun nain sira.

Enkontru ne’e heta partisipasaun husi: Ekipa Sekretariadu FONGTIL no Rede Sektorál sira.