FONGTIL/KD-RENAS HALO MONITORIZASAUN BA TREINAMENTU HUSI GRANTEES CBRN-TL

Baucau 16/08/2022, FONGTIL/KD-ReNAS halo monitorizasaun treinamentu husi Grantees CBRN-TL ba nia Parseiru sira.

Objetivu husi atividades ne’e Atu halo akompañamentu ba Treinamentu Auditoria Sosial ba Komunidade sira, Lider Komunitariu no Parseiru sira iha Municipio Baucau CBRNTL sira mós organiza no parte seluk atu aprezenta kona ba saida mak Papel FONGTIL no saida mak Auditoria Sosiál ne’e rasik, rezultadu husi Auditoria Sosial mak oinsá, ho nia prosesu implementa Auditoria sosiál mak oinsá.

Liu husi Treinamentu Refere Grupu Komunidade ba Auditoria Sosiál, Ema ho Difisisiensia iha Municipiu Baucau no Komunidade sira sente orgullu loos tanba sira bele komprende di’ak liu kona-ba lala’ok Auditoria Sosiál nian no bele sai na’in mós ba Monitorizasaun programa ne’ebé implementa husi Governu liuliu iha munisípiu Baucau.

Iha biban ne’e CBRN-TL mós halo aprezentasaun kona-ba implementasaun programa Monitorizasaun, CBRN-TL mós konsege halo deskobrimentu sira hanesan Ema ho Defisiente barak mak menus asesu ba Servisu saúde iha munisípiu Baucau.

Treinamentu ne’e remata partisipante sira foin komprende kona ba liafuan ne’ebé hasai durante ne’e ba maluk sira seluk hanesan liman kle’uk, ain kle’uk, matan aat, kanotak kle’uk, bulak, maibé Parte Saude munisípiu Baucau esplika katak ita tenki bolu katak: defisiénsia fíziku, defisiénsia mentál, defisiénsia intelektuál no seluk tan.

Atividades ne’e hetan partisipasaun másimu husi maluk sira ema ho defisiénsia, Grupu komunidade Auditoria sosiál, FONGTIL/KD-ReNAS, Diretor Servisu Saúde munisípiu Baucau, Chefe Saude husi Postu Laga, Vemasse, Venilale,  Baucau Villa, Chefe do suku, Jornalista, Komunidade inklui CBRN-TL rasik.