FONGTIL marka audensia ho Vise Ministro Fortalecimento Institucional atu diskuti kona-ba arrendamentu ba ba proprietário Estadu ne’ebé durante ne’e Sekretariadu FONGTIL utiliza hodi halo servisu sekretariadu nian.

Iha loron 19 fulan Fevereiru tinan 2024, Sekretariadu Forum ONG Timor-Leste FONGTIL  marka audensia ho Vise Ministro Fortalecimento Institucional atu diskuti kona-ba Problema ne’ebé FONGTIL hasoru mak : Sekretariadu FONGTIL rasik la iha kapasidade finanseiru atu selu arendamentu ne’e kada fulan ho montante osan hanesan mensiona iha leten; no Sekretariadu FONGTIL mos hare katak, edifisiu ne’e rasik ninia kondisaun la favorese ona atu halo servisu loron-loron nian inklui wainhira iha tempu udan akontese inundasaun iha area Caicoli.

Enkontru ne’e hala’o iha Sala Vice Ministru Fortalesimentu Institusionál ho objetivu atu hato’o pedidu kona-ba sumário arrendamento ba proprietário Estadu ne’ebé durante ne’e Sekretariadu FONGTIL utiliza hodi halo servisu sekretariadu nian.

Iha audénsia ne’e Diretór Ezekutivu Sekretariadu FONGTIL hateten “ bazeia ba assesmentu ekipa Ministériu Justisa liuhusi Sekretariadu Estadu Terras no Propriedade halo mai FONGTIL iha tinan kotuk hodi hasa’e presu arrendamentu husi $250.00 usd ba $929.00usd, ho ida ne’e mak Sekretariadu FONGTIL senti todan oituan tanba FONGTIL la’ós utiliza edifisiu refere hodi halo negósiu hodi buka lukru maibé FONGTIL utiliza edifisiu ne’e hodi halo servisu parseiru Governo nian ”.

Hatan ba pedidu ne’e Vise Ministru Fortalecimento Institucional Sr. Paulo Remédios hateten katak “Halo pedido formál ba Vice Primeiru Ministru Liu husi GASC no CC ba Vise Ministru Fortalecimento Institucional (karik atu halo reekonsrtrusaun); Husu mós apoiu finasiamentu husi Ministériu Sosidariedade Sosiál no Inkluzaun tuir pakote ne’ebé iha; Halo pedido ba arrendamentu simbólica no Halo audiência ho Diretór Arrendamentu Estado.

Liután ida ne’e Diretór Ezekutivu mós entrega Relatório Deskobrementu Auditória Sosiál  tinan 2022 no tinan 2023 ba Vise Ministru Fortalecimento Institucional Sr. Paulo Remédios.

Enkontru ne’e hetan partisipasaun husi Vise Ministru Fortalecimento Institucional Sr. Paulo Remédios ho ninia staff sira no FONGTIL