FONGTIL: TENKI FÓ SANSAUN PROPRIA NO FORTE BA LOJA SIRA NE’EBÉ KONTINUA FA’AN SASAN SIRA NE’EBÉ PRAZU (EXPIRED).

FONGTIL: TENKI FÓ SANSAUN PROPRIA NO FORTE BA LOJA SIRA NE’EBÉ KONTINUA FA’AN SASAN SIRA NE’EBÉ PRAZU (EXPIRED).

Ohin Kuarta-feira loron 22 Janeiru 2026, Diretór Ezekutivu Asosiasaun HAK hanesan mós Vice-Prezidenti Konsellu Fiskál FONGTIL Sr. Feliciano da Costa Araujo hetan entrevista husi Jornalista sira iha Kampaun Asosiasaun HAK, Faról Díli hodi husu Sosiedade Sivíl nia Prespetiva konaba loja sira ne’ebé kontinua fa’an sasan sira ne’ebé prazu (Expired).

Liga ho Asuntu ne’e Diretór Ezekutivu Asosiasaun HAK hanesan mós Vice-Prezidenti Konsellu Fiskál FONGTIL Sr. Feliciano da Costa Araujo hatete: “ Ha’u hanoin Ministériu relevante hanesan Ministériu Komérsiu Industria presija haree konaba asuntu ida ne’e, labele hakfodak bainhira populasaun hato’o keixa ruma . Ministériu iha funsionáriu lubuk boot atu oinsá mak bele superviziona ba iha loja sira n’e. Ba ha’u dalaida tan husi pontu de vista husi sosiedade sivíl nian katak ida ne’e viola ona direitu konsumidór, no sé viola ona direitu konsumidór entaun implementasaun regras tenki forte tanba sé sira fa’an sasan prazu no ita fó sansaun lakohi kumpri mak fó sansaun multa no sansaun ida seluk mak fó notifikasaun hodi hapara sira nia atividade negósiu ne’e no presija atu evalua sira nia ezisténsia drante ne’e, será ke sira kontribui ba estadu ka la’e? ”

Alem de ida ne’e, Diretór Ezekutivu Asosiasaun HAK hanesan mós Vice-Prezidenti Konsellu Fiskál FONGTIL Sr. Feliciano da Costa Araujo hatete: ‘‘Sé ita sansaun lakohi kumpri viola ona direitu konsumidór no regras sira ha’u hanoin tenki fó sansaun propria no forte”.