FONGTIL PARTISIPA IHA SEREMONIA INAGURASAUN EDIFÍSIU ESKOLA EBF COCOA ERMERA

Iha loron sesta, dia 19 Abril 2024 Forum ONG Timor Leste (FONGTIL), partisipa iha Seremonia Inaugurasaun Eskola Baziku Filiál (EBF) Cocoa Iha Suku Railaco Craic Postu Administrativo Railaco Munisípiu Ermera.

Inaugurasaun Edifísiu Eskola EBF Cocoa ne’ebé nia Obra konstrui husi ONG Lokl Asosiasaun Foin Sa’e Dezenvolvimentu Rurál (AFDR) ho Apoio Finanseiru hosi Povu Japaun liu husi Embaixada Japaun  iha Timor-Leste.

Iha Diskursu Diretór Ezekutivu ONG AFDR Sr. David da Cruz  Hateten “ iha tinan 2023 hetan fundu husi Embaixada Japaun liu husi GGP ho Montante USD 95,403.00 hodi konstrui Eskola ida ho nia Aula 4 kompostu husi Aula 3 ba Eskola no Aula 1 ba Eskritoriu ” . Diretór AFDR mós Hateten katak “hanesan Sosiedade Sivíl la’ós krítika de’it maibé fó mós solusaun ba Edukasaun no Ohin Atu Intrega ona Edifísiu Eskola Foun ne’e ba Ministériu Edukasaun. Agradese ba Governu no Povu Japaun ”.

Koordenador EBF Cocoa Hateten  “ Eskola foun ne’e sei Benefísiu ba Suku 4 no Aldeia 6 ho total alunus 150 Mane 78 no Feto 72 ”.

Diretór Edukasaun Munisípio Ermera Hateten “ Agradese ba Povu Japaun ne’e preveléziu ba Ermera no husu inan aman, Profesores no Estudantes atu kuidade didi’ak Eskola ne’e bele uja ba tempu naruk ”.

Reprezentante Presidente Autoridade Munisípio Ermera Hateten “ Utiliza ho Tau matan ba Eskola ne’e no husu Alunus sira labele riska arbiru ”.

Embixadór Japaun – SE. Sr. Kimura Tetsuya Hateten katak “ Ohin Kontente bele mai Inagura Eskola hamutuk ho Mestri no Estudantes sira. Obra ne’e ONG Lokál mak implementa no Visita ne’e haree labarik sira nia Hamnasa. Husu labele estraga no Eskola ne simbolu amizade entre Timor-Leste no Japaun.

Ikus liu Reprezenta Ministra Edukasaun Reprezenta Diretór Geral Pre-Eskolár  “ Hateten agradese no Apresia ba Embaixada Japaun ne’ebé apoiu ona Eskola lubuk ida inklui iha Ermera. Eskola sira Japaun halo nia kualidade di’ak tebes no konstrui husi ONG Lokál sira. Husu komunidade Kontinua Tau matan nune’e bele Uja ba tempo naruk ”.

Marka Prezensa Reprezentasaun Ministra Edukasaun, Embaixador Japaun, Reprezenta Presidente Autoridade Municipio Ermera, Administradora Postu Railaco, Diretora Edukasaun Munisípiu, Rede Edukasaun CSEP, Autoridade Lokál, Lia-Nain sira, Veterano, PNTL OPS, Koordenadór EBF, Profesores, Koordenadór, Alunus sira, ONG AFDR no Jestór Programa FONGTIL reprezenta Diretór FONGTIL.