FONGTIL realiza Talk Show kona-ba Adezaun Timor-Leste ba Asean

Iha loron 27 Setembru 2021, FONGTIL liu husi Forum ba Povu Asean (APF) realiza Talk Show kona-ba Adezaun Timor-Leste ba Asean iha Radiu Komunidade Loriku Lian.

Objetivu husi programa mak atu fó espasu ba FONGTIL hodi bele organiza entidade sira ne’ebé mak durante ne’e serbisu ba Polítika Adezaun Timor-Leste ba ASEAN, hodi bele esplika ba komunidade sira iha nivel munisípiu kona-ba progresu no obstákulu husi implementasaun polítika ida ne’e, atu informa ba públiku kona ba papél sosiedade sivíl no komunidade bainhira Timor-Leste adere ba ASEAN, hametin relasaun serbisu entre FONGTIL ho Estasaun Radio Komunidade sira iha Timo-Leste.

Ho orador maka hanesan Sra. kathleen Goncalves (Empresaria no Prezidente Asosiasaun Comercial da Comunidade Chinesa Timor-oan (ACCCTO) no Sr. Abrao Monteiro (NOC) no Modera husi Sra. Elizabeth Lino de Araujo, (Moderador).