Forum Diálogu Organizasaun Sosiedade Sivíl ho tema “ Asegura no Garante Boa Governasaun Ba Governo

Iha atividade ne’e Diretor Ezekutivu FONGTIL Sr. Valentim da Costa Pinto hateten “ Ita tenki iha koordenasaun, konsultasaun ne’e tenki nakloke ba lei no polítika publika sira liu-liu ba organizasaun sira ne’ebé tau matan kona-ba Boa Governasaun para bele enkamiña sira-nia ideias di’ak sira hodi kontribui ba ita-nia produsaun lei sira hodi refleta ba ita-nia situasaun para hotu-hotu bele obedese bai ha futuru ”. liután ida ne’e, Diretor Ezekutivu FONGTIL hateten “ Oinsá mós ida ne’e situasaun ita hotu nian no ita mak tenki kontribui hodi halo mudansa ba ita-nia rain ”.

Alende ne’e Koordenadór Assesoria Sosiedade Sivíl e Diretór SASCAS Eng. Joaquim da Costa Freitas hateten “ Dialogu ida ne’e di’ak, maibé labele iha Dili deit tenta mós halo iha Rejiaun ka munisipiu sira hotu para nuansa ne’e la’os dili de’it mak preokupa kona-ba governasaun ne’e, se la to’o 13 munisipiu maibe pelu menus iha Rejiaun ita bele ko’alia asuntu ne’e”.

Tan ne’e, Provedor Direitu Humanu no Justiça Adjunto Boa Governação, Sr. Rigoberto Monteiro mos hateten “ agradese ba ONG Forum tanba hanoin ona asuntu ida ne’e, Protesaun ba Direitu umanu ne’e akontese kuandu Boa Governasaun ne’e Akontese, tanba kuandu Prátika Boa Governasaun ladi’ak mak ida ne’e automátikamente Violasain Direitu Umanus akontese, entaun servisu boot ne’e la’’os luta kontra violasaun direitu umanu, maibé oinsá prátika prinsipiu Boa Governasaun sira iha Administrasaun Públika. Ida ne’e mak servisu bo’ot liu no ida ne’e la fasíl”.

Liután ida ne’e, Prezidente Komisaun Funsaun Públika Sr. Agostinho Letêncio de Deus hateten “ ha’u apresia tanba ohin ita marka prezensa iha estadu, Organizasaun Sosiedade Sivíl, no setor privadu karik bem vindu, se ita ko’alia kona-ba Boa Governasaun entaun instituisaun tolu (3) ne’e mak tenki ko’alia ba malu, se ita halo analojia ida karik ema dehan Instituisaun tolu (3) ne’e mak isin no Boa Governasaun ne’e mak klamar ” Liután ida ne’e, Prezidenti Komisaun Funsaun Publika hateten “ Ha’u rekomenda ba FONGTIL no Kolega ONG sira hotu, presija halo aproximasaun ba SASCAS liga ho programa Peskiza, atu nune’e ita atu halo reforma ruma é mellhor tenki iha Peskiza ruma atu muda Sistema hotu ”, hodi nune’e Nia mós hateten “ ami hein ita boot sira -nia observasaun no krítika atu bele lori Funsaun Publika ida sai duni parsiál iha Sosiedade Timór tomak ”.

Hodi nune’e, Director Ezekutivu CEPAD Sr. João Boavida mós hateten “ iha kontextu ita nian ne’e iha buat rua de’it ne’e primeiru mak Partidarizasaun iha instituisaun do estadu katak partidu ida ne’ebé manan troka nia ema hotu kedas, ne’ebé ministériu ida-ida tenki iha nia kór ida ne’e Problema, tanba sira uza prosesu rekrutamentu ho metodolójia oin-oin hodi atu bele tais sira-nia ema tama, no segundu mak Klientalizmu ida ne’e mós aplika hela de’it katak saidá mak ha’u halo iha ita boot nia kampaña no saida mak ha’u atu simu fali husi ita ba favór durante kampaña, Governo ninian no mós hamate Klientalizasaun. atu Garante Boa Governasaun iha kontextu Timor-Leste ne’e tenki sobu rahun tiha obstakulu rua ne’e mak Partidarizaun no Klientalizmu ”.

Atividade ne’e hetan partisipasaun husi :Commicao Funcao Publica, PDHJ, SASCAS, FONGTIL, CEPAD, Xefe suku Bairo Pite no Comoro, membru ONG,rede sektoral no akademiku sira.

Atividade ne’e finansia husi fundus SASCAS.