PARTISIPASAUN SOSIEDADE SIVÍL NO SPASU ADVOKASIA LIU HUSI QUADRO LEGAL ASEAN NIAN

Díli, Kinta-feira 17 Setembru 2026, Secretariado FONGTIL kontinua hala’o atividade Workshop Nasionál ho títulu: “Sensibilizasaun ASEAN kona-ba Promosaun Direitus Umanus, Promove Advokasia Konjunta no Dezenvolvimentu Sosiedade Sivil iha Timor-Leste” ba loron daruak nian ho Tópiku prinsipál tolu (3) mak hanesan:
•Koñesimentu báziku kona-ba ASEAN no nia relevánsia ba komunidade lokál sira.
•Komprende enkuadramentu ASEAN nian no oportunidade sira ba partisipasaun sosiedade sivíl no spasu advokasia liu husi Quadro legal ASEAN nian: Simeira ASEAN, Konsello Koordenador ASEAN, Sekretariadu Nasional ASEAN iha MNEK Timor Leste no Asembleia Inter-Parlamentar ASEAN.
•Komprende vizaun komunidade ASEAN 2045 no ninia Pilar prinsipál lima (5) ne’ebé relevante.
Atividade Workshop ne’e hala’o iha Salaun Universidade Católica Timorense (UCT), Balide, Dili ho objetivu Atu hametin Konsientizasaun no envolvimentu Organizasaun Sosiedade Sivil Timor-Leste ba organizasaun rejional (ASEAN) ho pais membru ASEAN, no apoia responsabilidade nasaun nian nu’udar Estadu-membru pleno ASEAN.
Iha Mos Diskusaun no Debate hodi identifika isue Advokasia Sira, Vantajen no desvantajen pos adezaun TL nian ba ASEAN no Vantajen Saida Mak ASEAN sei hetan husi TL.
Atividade ne’e hetan Apoiu fundus husi Gabinete de Apoio à Sociedade Civil – GASC IX Governo
tagged with