KONSELLU FISKÁL FONGTIL HAMUTUK HO FONGTIL HALO ENKONTRU REGULAR NO ACOMPAÑAMENTO IHA RAEOA

Iha loron 18 fulan Abril tinan 2024, Konsellu Fiskál FONGTIL hamutuk ho ekipa Sekretariadu Forum ONG Timor-Leste hala’o enkontru regulár iha RAEOA.

Enkontru regulár ne’e hanesan atividade ida ne’ebe sempre akontese regularmente entre konsellu Fiskál FONGTIL ho membru Sira iha Munisipiu hotu inklui RAEOA. Enkontru regular ne’e hala’o  iha  Salaun ONG BANO ho objetivo atu fahe informasaun ba malu no halo diskusaun ba issu sira ne’ebé presija halo advokasia iha setór ha’at (4) hanesan : Saúde, Eduksaun, Agricultura no Infraestrutura Básiko no issu Sira ne’e hotu presija hato’o ba Ministériu Relavante Sira Liu husi hamosu pareser no halo audénsia.

Iha enkontru Presidente konsellu Sr. Inocêncio de Jesus Xavier hateten FONGTIL nafatin hala’o servisu Sira aposta ho mandatu ha’at (4) ne’ebé iha, ho objetivo husi enkontru regulár atu akumula ideias Sira ne’ebé diskute iha enkontru ne’e sei relata ba autoridade prinsipál Sira hodi kontribui ba desenvolvimento ne’ebé signifikante iha RAEOA no ba Timor-Leste”.

Alende ida ne’e, Konsellu Fiskál FONGTIL Sr. Feliciano da Costa Araújo hateten “ Hanesan membru konsellu fiskál no representa ezekutivu iha enkontru ne apresia ba Sosiedade Sivíl RAEOA nia servisu iha baze liu husi aprezentasaun susesu iha servisu implementasaun projetu sira, no nafatin espekta na futuru sosiedade sivíl iha RAEOA ativa liu tan hodi halo advokasia ba problema sosiál” .

Liután ida ne’e Sr. Domingos Ati Hanesan ponto fokal ONG RAEOA hateten “ Iha Nia parte mos apresia ho FONGTIL nia vizitasaun regular ida ne hodi rona Sosiedade Sivíl sira iha baze nia preokupasaun iha baze. Rezultadu husi enkontru regulár iha fulan hira liu ba relata ona ba Presidente Autoridade liu husi audénsia ne’ebé halo ona iha fulan hirak liu ba, espera ba futuru sei iha mudansa ba relatório hirak ne’e ”.

Enkontru ne partisipa husi membru ONG iha RAEOA Mak Hanesan: FEEO,CECEO,BANO,FFFDP,A-LAO,ACHAE,A-LWS no MANEO, Partisipa mos husi rede setoral Hanesan Rede ba Rai no ONG lokal seluk iha RAEOA.

Atividade ne’e fundus husi : GASC