MCI marka Audénsia FONGTIL ko’alia kona-ba Komemorasaun Loron Restaurasaun Independénsia ba Dala XXII

Ohin loron 12 fulan Abril tinan 2024, Sekretariadu Forum ONG Timor-Leste (FONGTIL) hala’o enkontru ho Vice-Ministru Komersiu Industria hodi ko’alia kona-ba “Realizasaun Feira no Kalan Kultura iha Ámbitu Komemorasaun Loron Restaurasaun Independénsia 20 de Maio 2024 ”.

Enkontru ne’e hala’o iha Ministériu Komersiu Industria ho objetivu atu Selebrasaun Loron Restaurasaun Independénsia Ba dala no Ministériu Komérsiu Industria sei oganiza feira ida ne’e iha Kapitál Díli no Munisípiu sira inklui RAEOA hodi selebra aniversariu loron Restaurasaun Independénsia Repúblika Demokrátika Timor-Leste ba Dala Rua-nulu resin rua (22), 20 de Maio 2024.

Iha Enkontru ne’e Vice-Minisrtu Komérsiu Industria Sr. Augusto Junior Trindade hateten eventu ne’e atu konvida  FONGTIL no nia Membru ONGs sira hodi partisipa iha Feira ida ne’e no sei fó espasu ba FONGTIL no nia Membru sira hodi aprezenta deskobrementu no produtu sira.

Reprezentante Diretor Ezekutivu Sekretariadu FONGTIL Avelino Moniz hateten “ FONGTIL no nia Membru sira iha kapitál Díli, Munisípiu no RAEOA prontu hodi fó apoiu no kolabora no Governo ba eventu ida ne’e ”.

Enkontru ne’e hetan Partisipasaun husi : Vice-Ministru Komérsiu Industria ho nia ekipa no Sekretariadu FONGTIL.