SECRETARIADO FONGTIL HAMUTUK HO NOC-TL PARTISIPA IHA I EVENTU KONFERÉNSIA FORUM POVU ASEAN 2026 PRIENXE IHA CARAVANA SOLIDARIEDADE

Manila, 27 Outubru 2026, Secretariado FONGTIL hamutuk ho National Organizing Committee Timor-Leste (NOC-TL) partisipa iha eventu Konferénsia Forum Povu ASEAN 2026 ho tema “Resist Business-As-Usual: Disrupt, Reclaim, Rebuild” iha Manila, Filipina, tanba tinan 2026 ida ne’e, Nasaun Filipina mak sai hanesan Estadu Membru ne’ebe kaer fali pasta hanesan Prezidênsial ASEAN.

Iha loron primeiru eventu Konferénsia Forum Povu ASEAN 2026 prienxe iha caravana solidariedade hodi halo Tour Vizit ba sítiu istóriku iha monumentu BANTAYOG NG MGA BAYANI memoria ba Martires no Heroi sira ne’ebé luta hasoru rejime ditadura husi eis prezidenti Ferdinand Marcos Sr. no Rodrigo Duterte. Ekipa balu mos ba vizita Blue Mosque no vizita komunidade mulsumanu hodi halo diskusaun ho sira. halo diskusaun mos ho komisariu Direitus Humanus Filipina no halo diskusaun ho komunidade Sira.

Eventu ne’e realiza iha Quezon city, Manila, Filipina ho Objetivu atu kria plataforma estratéjika ida atu hametin reziliénsia kolektiva entre povu no movimentu sira iha Sudeste Aziátiku, atu realiza ASEAN ida ne’ebé verdadeiramente demokrátiku no sentradu ba interese povu nian.