SEKRETARIADU FONGTIL HAMUTUK HO NATIONAL ORGANIZING COMMITTEE TIMOR-LESTE (NOC) PARTISIPA IHA EVENTU ASIAN PEOPLE’S FORUM CONFERENCE 2026

Manila, Iha loron 29 Outubru 2026, Sekretariadu Fongtil Hamutuk Ho National Organizing Committee Timor-Leste (Noc) Partisipa Iha Eventu Asian People’s Forum Conference 2026 (APFC 2026) ho tema “Resist Business-As-Usual: Disrupt, Reclaim, Rebuild” iha Manila, Filipina, iha loron datolu hodi halo estatementu konjunta hodi prodzú dokumentu deklarasaun ACSC-APF2026 hodi entrega ba AICHR (ASEAN Intergovernmental Commission on Human Rights).

Iha eventu loron ikus ida ne’e iha Reflesaun ba atividade Caravana soliedadriedade ne’ebé halo durante iha loron primeiru husi partisipante sira mak hanesan: Vizita sitiu istóriku sira no vizita komunidade sira konaba: Komunidade urbanas pobreza sira; Enerjia, ambiente no justisa klimática; Protesaun Sosiál; Direito Humano no Repressaun Polítika; Kuidadu Direito Traballador sira nian, Migrasun no Servisu Públiku nst…

Alén ida ne’e iha mos Estatmentu konjunta konaba Direitu Digitál sira no Liberdade iha Internet; Justisa klimátika no Direitu Ambientál sira; Dignidade Laborál no Migrasaun (kestaun: violasaun ba direitu no liberdade laborál sira, servisu forsadu, empregu no saláriu dignu sira, migrasaun laborál no desregulasaun, bem-estar no protesaun sindikatu sira); Responsabilizasaun korporativa no Direito Umano; Paz no seguransa humana; Deslokasaun no Apatridia; Justisa ba LGBTQIA no Jéneru; Neoliberalismu no Rejionalismu Alternativu; no Sustentabilidade no Reziliénsia Sosiedade Sivíl.

no Rekomendasaun Mak hanesan: Redezeña solidariedade, reforsa protesaun no defeza sira, apoiu mobilizasaun iha baze no autónoma, sustenta durabilidade no reziliénsia movimentu nian.

Liután ida ne’e NOC Filipina entrega ACSC-/APF chairship ba NOC Singapore atu nasaun Singapura mak sai uma nain ba eventu ACSC-APF iha tinan 2027, nomós NOC Filipina entrega esbosu dokumentu deklarasaun ACSC-/APF ba ba AICHR (ASEAN Intergovernmental Commission on Human Rights).

Ikusliu, Hetan mos Partisipasaun husi Mayor Quezon City Ma. Josefina Belmonte hodi hato’o nia diskursu iha eventu ACSC-/APF2026 iha Manila, Filipina.