FONGTIL realiza atividade Forum Dialogu ho Tema Timor-Leste nia Adezaun ba Organizasaun Mundiál Komérsiu “Vantajen ka Desvantajen”

Iha loron 21 fulan Marsu tinan 2024, Sekretariadu Forum ONG Timor-Leste (FONGTIL) realiza atividade Forum Dialogu ho Tema Timor-Leste nia Adezaun ba Organizasaun Mundiál Komérsiu “Vantajen ka Desvantajen”

Forum Dialogu ne’e hala’o iha Salaun FONGTIL, Caicoli, Díli ho Objetivu atu Atu hetan input konba ba vantajem no desvantajem Timor-Leste adere ba OMK; Sosiedade sivil mos bele entende kona-ba importansia Timor-Leste adere ba organizasaun mundiál komérsiu hodi nune’e bele dudu prosesu dezenvolvimentu no diversifikasaun ekonomia rai laran; Alternativu no Mekanizmu Saida mak Câmara Comérçio e Indústia Timor-Leste (CCITL) bele lori nian produtu ba Promove iha Nasaun Membru Organizasaun Mundiál Komérsiu (OMK).

Iha atividade ne’e Diretór Ezekutivu FONGTIL Sr. Valentim da Costa Pinto hateten “hanesan mahon ba sosiedade sivíl ami preokupa ho komunidade nia preokupasaun sira ba desizaun governu nian adere ba Organizasaun Mundiál Komérsiu nia vantajen ka desvantajen, liga ho limitasaun iha setór importante sira ne’ebé Timor-Leste iha halo ema hotu preokupa iha adezaun ne’e. Sosiedade Sivíl nafatin sai parseiru ne’ebé akompaña prosesu ida ne’e atu ema hotu benefísia nia rezultadu sira”.

Alende ida ne’e Koordenador Asesoria Sosiedade Sivil GVPM e Diretor Ezekutivu SASCAS Eng, Joaquim da Costa Freitas, hateten “asuntu ida adezaun Timor-leste ba Organizasaun Mundiál Komersiu sai preokupasaun ema hotu nian liu-liu sosiedade sivíl ne’ebé reprezenta komunidade, nafatin sai autór ba krítiku ka parseiru krítiku ba dezenvolvimentu ne’ebé sustentavél. Gabinete Apoio Sosiedade Sivíl nafatin fó apoiu ba atividade sira relasiona ho sosiedade sivíl nia intervensaun sira”.

 

Orador ba diskusaun ne’e mai husi Setor privadu Sr. Jorge Serano (PR Prezidente CCI-TL), Dr. Fernando Gusmᾶo,(Dekanu CSH UNPAZ), Sr. Mariano Pereira (Peskizador ONG Lao Hamutuk) no moderadora Sra. Marta

 

Atvidade ne’e partisipa husi Membru ONG FONGTIL nian, Rede Setoral sira,Setor Privadu,sekretariadu OMK, no  estudante akademiku.

 

Atividade ne’e FUNDUS SASCAS.